رواية امل الحياه الفصل الخامس والعشرون 25 "بقلم يارا عبد العزيز"

بعد عشر دقايق كانت قاعدة على البانيو في الحمام .. ماسكه الاختبار بايد مرتعشه وقع الاختبار من ايديها على الارض 
بصتله ونزلت لمستواه خدته من على الأرض واتكلمت بدموع الفرحه وهي بتبصله وايديها لسه بتترعش بفرحه .. اتكلمت بهمس انا حامل 
حطيت ايديها على بطنها واتكلمت بدموع وهمس .. هو انت موجود بجد طب ازاي ازاي انا اصلا مبخلفش يمكن يكون بايظ اكيد النتيجه دي غلط 
كان جسمها كله بيترعش بقوه .. مش مستوعبه الاختبار اللي في ايديها غمضت عينيها .. فتحتها كذا مره حاسه انها في وسط حلم جميل اتكلمت بدموع الفرحه انا مش بحلم مش بحلم بجد 

خرجت من الحمام بسرعه كبيره .. الفرحه لسه على وشها وجسمها كله بيترعش 
نزلت غرفه فردوس .. فتحتها من غير ما تخبط وجريت عليها وحضنتها بفرحه 
فردوس ابتسمت على سعادتها ومكنتش فاهمه ايه سبب الفرحه دي لكن كانت مبسوطة لما شافتها سعيده اوي كدا 
اتكلمت بفرحه .. طب انا عايزه افرح معاكي
حياة طلعت من حضنها ورفعت الاختبار قدام عينيها وايديها لسه بتترعش والكلام بيطلع منها بفرحه وصوت مرتعش .. ماما ماما شوفي كدا دول خطين صح انتي شايفهم خطين 
فردوس بفرحه كبيره وهي مش مستوعبه اتكلمت بدموع الفرحه .. دا بتاعك انتي يحياة صح 
حياة هزيت راسها بفرحه كبيره ودموع فردوس خدتها في حضنها واتكلمت بفرحه .. مبارك يحبيبتى ياااا ما انت كريم يا رب ياا ما انت كريم يا رب انا كنت واثقه انه مش هيرد دعائي 
حياة ببعض الحزن انا خاېفه يكون غلط ساعه الجهاز دا بيغلط انا كنت سمعت كدا 
فردوس بهدوء .. انتي عندك اعراض الحمل
حياة بلهفه وفرحه .. ااه الله كلها بس انتي عارفه اللي فيها خاېفه اوي يطلع غلط .. بعد ما طلعت لسابع سما انزل لسابع ارض 
فردوس بحنان .. طب تيجي نقطع الشك باليقين روحي اعملي تحليل د م ايه رأيك 
حياة بايد مرتعشه .. انا خاېفه اوي يا ماما حاسه ان رجلي مش شايلني .. خاېفه اروح الاقيه غلط ممكن يحصلي حاجه مش عايزة اروح لوحدي 
فردوس بحنان يحبيبتى اتفائلي خير طب روحي لريان .. خليه يجي معاكي اهو بالمره لو صح تروحي تكشفي .. تطمني ماشي 
افتكرت ريان هو بيقولها مش عايز اطفال فخدت نفس عميق .. هزت راسها بحزن وخرجت من اوضه فردوس وهي شارده في كل حاجه بتحصل .. جواها فرحه متتوصفش 
قررت انها تروح لريان .. تقوله يمكن بوجوده تقدر تتغلب على الخۏف اللي جواها كانت بتعمل كل حاجه بتوتر وفرحه 
طلبت من السواق يوصلها الشركه وطلعت مكتبه وكانت لسه هتدخل المكتب بس السكرتير وقفها نعم حضرتك عايزه مين 
بصيت للسكرتير بفرحه ان ريان سمع كلامها زغير السكرتيره لواحد .. اتكلمت بهدوء ريان مش دا مكتبه برضوا كنت عايزاه 
حضرتك مين
فيه معياد سابق 
حياة بهدوء .. انا مراته 
اهلا اتفضلي انا اول مره اشوف حضرتك معلش اعذرني ريان باشا في غرفه الاجتماعات في اجتماع مهم 
حياة بحزن هيعقد اد ايه اصلي عايزاه في موضوع مهم جدا مش هقدر استنى 
هم بيعقدوا ساعات جوا الاجتماع 
حياة بحزن .. صډمه كتير اوي انا هدخله فين غرفه الاجتماعات دي 
مينفعش حضرتك دا اجتماع ممنوع اي حد يدخل غير اعضاء الاجتماع 
حياة ببعض الحده هدخل على مسؤوليتي قولي بس هو فين ..