روايه حكاوي فيروزه بقلم فيروز عادل

هتعملي القهوة وتناديلي انا اخدها منك ومتخرجيش الا لما الناس الي برا دي تمشي.
رفعتله حاجبي متربطني وتديني تلاتين چلدة بالمرة يا حضرت.
خد نفس وهو بيهدي نفسه بقولك ايه اتمسي بقا في ليلتكوا السودة دي.
بقولك انت ايه جدك قالي ان لما ينادي عليا اخرجله هو ايه الي متخرجيش الا لما الناس دي تمشي! 
مټخافيش مش هيلحق ينادي عليكي اتهدي بقا.
شهقت وانا بضړب على صدري بطريقة بلدي يمصيبتي! ن كل ده عشان القهوة وناس تنحة منعرفش هما جايين لينا ليه! الله يخربيتك وبيت سنينك والله لاعترف عليك من قبل اول قل...
قطعت كلامي لما بصتله ولقيته باصصلي بملل وبعدين اتكلم خلصتي

ابتسمت وانا بهز راسي خلصت.
طب الحمدلله اعملي القهوة وانتي ساكتة بقا.
كان خارج لف ليا تاني وابقي المحك خرجتي برا يا وعد بجد.
خلاص والله قولت ماشي ليه الړعب!
سابني وخرج وانا لفيت اعمل القهوة وانا مبتسمة كلنا عارفين الضيوف الي مع جدي برا دول جايين ليه بس عمرنا منروح نقول اه
انا عايشة مع جدو وتيتة اهل بابايا من بعد ما بابا وماما اتوفوا في حاډثة وبصراحة وعلى عكس المألوف عيلة ماما هي الي مفكرتش تسأل عني حتى بعد مۏت بنتهم اتهموا بابا انه السبب في مۏت بنتهم ف مبقوش يطيقوا اي حد من ناحيته حتى انا... بنت بنتهم!
كان عندي سبع سنين من يوميها وانا معرفش حاجة عن اي حد في عيلة امي عيلة ابويا هما حياتي كلها جدو وتيتة عماتي وعمي وعيالهم كلهم بيحاولوا ميحسسونيش اني لوحدي ابدا وبصراحة هما نجحوا في ده... وجدا كمان.
اما مروان فمروان ده يبقى ابن عمي بالنسبالي مروان مختلف عن اي حد في حياتي لمجرد ما بيبقى موجود حواليا انا مببقاش خاېفة من حاجة....وجوده بيطمني
حنين وبيفهمني من غير ما اتكلم بيعرف ازاي يتعامل مع واحدة دماغها تعبانة زي وعمره ما بيزهق مني!
عمره ما فشل انه يحل اي مصېبة انا بحكيهاله وانا بعيط وقالبة الدنيا مناحة مهما كانت المصېبة دي كبيرة جملة متشيليش هم حاجة انا موجود دي كفيلة تخليني اطمن وابطل عياط واطفي النور وانام بكل هدوء لولاه انا بجد كنت هشيل هم حاجات كتير لولا هو انا بجد كنت هحس اني لوحدي حتى لو كانوا كلهم حواليا...... بس مع كل ده هو فيه عيب بسيط قد كده مش عارفة ناوي يتجوزني امتي مع ان لو قولت للواد حمادة ابو تمن سنين جارنا مروان هيتجوز وعد مش هيتفاجئ ولا حاجة وهيقولك وفين الجديد
كنت خلصت القهوة خرجت من المطبخ ووقفت في جمب وانا ببسبسله زي القطة عشان ياخد باله مني العمر مش بعزقة عشان اخرج انا اقدمها للناس والله يحبايبي وبعدين