روايه نصيب القمر الفصل الرابع

اتنهدت بضيق منه وقالت... وبعدين بقى محلمتش بحاجه اهو حلمت بيك بتتنطط زي القرد زي عوايدك وخلاص
وبعدت عنو وبقت تاخد هدوم ليها
طه بصلها بزهول وقال.. قرد ...طب حيث كده بقى اجهزي بسرعه
قمر قالت باستغراب..ليه هنروح فين
طه قال بسخريه هنروح نجيب موز ..ولا مش ناويه نتغدي
قمر ضحكت وقالت.. زعلت ولا ايه
طه قال بغيظ.. وهزعل ليه ..اذا انا قرد فانتي مرات القرد يعني غوريلا ..يا غوريلا
وسابها ودخل الحمام وهو متغاظ وقمر ضحكت من قلبها عليه
بعد شويه كانوا لبسو وجهزوا ونزلوا بقوا يتسوقوا سوا طه اشترى ليه هدوم لانو مش معاه حاجه خالص يلبسها ..واشتري لها هي كمان فستان جميل باللون الزهري واشترو كل الي هيحتاجوه وكان ماسك ايدها بيلفو سوا بانبساط شديد
قمر كانت مبسوطه جدا لاول مره تخرج من حارتهم وتشوف المدن وكمان لانها بتختار كل حاجه بنفسها
خلصو تسوق وقعدو على مطعم وبقوا ياكلوا سوا
قمر بصتلو وقالت بفرحه وحماس.. مبسوطه قوي اول مره اطلع اتفسح كده واشتري حاجات نفسي فيها
طه بصلها وقال ولو بقى قدرنا واحد كملنا سوا هبسطك اخر انبساط..مش هخليكي محتاجه اي حاجه بس ترضي عني
قمر ابتسمت بكسوف وحاولت تغير الموضوع قالت..احم..صحيح انت بتشتغل ايه
طه ابتسم وقال زي ما قولت لك اول يوم ..بودي بضائع للمطاعم والفلل وكده..العربيه دي ورثتها من بابا ومعنديش غيرها تقريبا ..يعني دلوقتي بقى عندي العربيه وانتي
قمر ضحكت جامد وقالت يعني انا بقيت من املاكك زي زي العربيه كده
طه بصلها وقال بمعاكسه... انتي اجمد مكنه عدت عليا عموما
قمر ضحكت بكسوف وقالت.. يخربيتك هو انت راشق وخلاص
طه مسك ايدها وقالت..هو انا عارف اعمل حاجه ..
قمر قالت ...لا..ومش هنام جنبك تاني
طه لسه هيرد عليها اتفاجئوا بالبوليس وحمزه معاهم وقال .. اهوه يا باشا هو ده ووووو
النفاعل وحش يا قمرات ارفعو الريتش علشان اكملها يلا ابداووو