رواية ميراث نور للكاتبة لينا بسيوني حصري الجزء الثالث
على الارض كنت مړعوبه و پصرخ وانا بسقط من السما وأتذهلت لما نزلت على الارض وانا واقفه على الحذاء من غير ما يحصلى حاجه !!
قولت بصوت عالى
وااااااااااااااااو .
جريت تانى وفضلت أجرى بسرعه واتنطط فى السما والمس السحاب بأيدى.
فجأه سمعت صوت فى السما بينادى عليا وبيقول
جريت ناحية الصوت وفضلت أتنطط بين السحاب وانا بدور على مصدر الصوت لحد ماصلت للمكان اللى جاى منه الصوت .
فضلت أتلفت يمين وشمال لحد ماعينى وقعت على حفرة واسعة جدا فى وسط الصحرا جريت عليها لما سمعت الصوت بيستنجد بيا من جواها .
قربت منها لقيتها بير غويط ولسه هشوف اللى جواه لاقيت عمو حنوش خطفنى من قدام البير وأختفى بيا وفى لمح البصر لاقيتنى رجعت الكهف تانى !!!
كده يانوشه !!! شكلى كنت غلطان لما وثقت فيكى !! وشكلى هاخد منك الحذاء !!!
قولتله وانا بصالحه
خلاص والنبى ياعمو حنوش .. والله أخر مره .
قعدنى على الكرسى المتحرك ونزل على الارض وبدأ يقلعنى الحذاء وهو بيقول
ولا اخر مره ولا اول مره دا انتى اول ما لبستى الحذاء جريتى على بير برهوت !!
بير برهوت !!
قلعنى الحذاء وقالى وهو ماسكه فى أيده
بئر برهوت أخطر مكان على وجه الارض المكان اللى مابتمشيش عليه قوانين الارض كلها سجن الجان والصحرا اللى حضرتك كنتى فيها دى بيسموها أرض الجن أقدر اعرف ايه اللى خلاكى تجرى على هناك !!
قولتله وانا بعيط وعينى على الحذاء اللى فى أيده
أنا سمعت صوت حد بيستنجد بيا من البير !!
حد بيستنجد بيكى أزاى !!
قولتله
تقريبا كان واقع فى البير وعايز حد يطلعه فأنت جي....
قالى بحزم
خلاص يانوشه .. الموضوع أنتهى .. مفيش حذاء وهنقضيها فسح وخروجات لحد ماتكبرى وتعقلى وتعرفى تستخدميه صح !!
بكيت وقولتله
كده ياعمو حنوش عايزنى أعيش أحلى سنين حياتى وانا عاجزه ... بتدينى الامل وبتاخده منى تانى !!!
قالى
خلاص يانورا مش هينفع زى ماقولتلك لما تكبرى وتعقلى !!
رميت جسمى من فوق الكرسى المتحرك وزحفت على الارض وانا ببكى بحرقه وقولتله وانا ماسكه رجله
أرجوك ياعمو حنوش ماتسيبنيش عاجزه !!!
نزل على الارض شالنى و قعدنى تانى على الكرسى المتحرك وقال
قولتله
أوعدك ياعمو حنوش همشى وهجرى بيه بس !!
سكت شويه فحسيت أنه هيحن بعد المسلسل الهندى اللى عملته عليه !!!
فمسحت دموعى وقولتله
همشى بيه بس ..حتى مش هجرى بيه !!!
قالى
موافق بس هقول لابوكى !!
قولتله وانا متأثره
بابا مش هيسبنى ألبسه علشان ما أخرجش بره الكهف ساعات بحس بابا مرتاح انى عاجزه بيعتبرها زيادة حمايه وأكيد هياخده ومش هيدهولى الا لمأ أكبر خالص أبقى عجوزه كمان !!
كان متردد فاأديتله القاضيه واللى نهت الكلام
ومديت أيدى خدت منه الحذاء و قولتله
النهارده كان أسعد يوم فى حياتى كلها ياعمو حن....
قطعت كلامى وعمو حنوش أختفى لما شوفنا ماما سندس صاحيه من النوم وعينيها مقفله زى الزومبى !!
عدت من جنبى من غير ما تشوف الحذاء اللى فى حضنى !!! ولا أصلا خدت بالها انى لسه صاحيه ومنمتش !!
فتحت التلاجه وطلعت أزازه ميه وفضلت تقربع منها وبعدين قفلت التلاجه !! وعدت من جنبى تانى وراحت تكمل نوم!!!
ناديت على عمو حنوش فمجاش فعرفت أنه مشى لما شاف سندس صحيت .
لبست الحذاء وربطت الرباط والنباتات بدأت تنمو وتلف حوالين رجلى .
قومت وقفت وأتمشيت فى الكهف وأتنططت براحه وانا فرحانة.
Lina Basyouni
شويه وسمعت نفس الصوت بينادى عليا وبيقولى
نورااااا ألحقينى !!
لاقيتنى لا أردايا فتحت باب الكهف وجريت ناحية بير برهوت !!
وصلت هناك فى سرعه الصوت وقربت من البير وسمعت صوت واحده ست بتقولى
أرجوكى يانورا انقذينى !!
بصيت فى البير لاقيت واحده ست ماسكه فى جدار البير من جوه وبتحاول تخرج منه !!
قولتلها
أنتى مين و عرفتى أسمى أزاى !! وأيه اللى جابك هنا !!
قالتلى
أنا توهت فى الصحرا وروحت أشرب من البير فحد زقنى وكنت هقع بس مسكت فى الجدار !! شوفتك بتطيرى فى السما فناديت عليكى !!
قولتلها
وعرفتى أسمى ازاى !! وأزاى بسمع صوتك من بعيد كده !!
قالتلى
أنا واحده بينى وبين ربنا عمار ودعيت ينجدنى فألهمنى أنادى وأستنجد بأسمك فجأه لاقيت أفعى كبيره بتقرب على الست من ورا وهتاكلها !!!
قولتلها
حاسبى .. حاسبى فى أفعى وراكى!!!
أرتعبت وخاڤت وكانت هتقع فى البير الافعى قربت عليها أكتر فصړخت وهى بتستنجد بيا وبتقولى
أرجوكى يانورا أنقذينى طلعينى .
مديت أيدى فى البير بسرعه علشان انقذها فمسكت فى
