رواية ميراث نور الجزء الرابع بقلم لينا بسيوني
المهندسين اللى فى المصنع حالا وقولهم يحضروا أسلحة الكهربا
مارو قالى
كهربا !!!
قولتله
أخيرا أندهشت من حاجة !!
أحنا عندنا مصنع بيصنع أسلحة مصنوعه من الكهربا للاسف مالحقناش نستغلها فى الحړب اللى فاتت علشان اتفاجأنا بالھجوم
مارو قالى وهو متحمس
ودى بتموتهم !!!
قولتله
بتصعقهم زى الناموس !!
وعباره عن أيه الاسلحة دى !!
قولتله
لا خليها مفاجأه أحسن !!!
وبصيتلهم كلهم وقولتلهم
أحنا معناش جيش كبير زى نيللى بس معانا علم وأسلحة جديده على عالم الجن هتحقق لينا عنصر المفاجأه على أرض المعركة ده غير ان معانا أبنى مارو البغل انا عارف أن النصر شبه مستحيل بس أحنا للاسف مضطرين نحارب باللى معانا
وبصيت لنصير
مارو قالى
تستدعوها أزاى !!
قولتله
بالهباب النازف حجر بيستدعى
قطع كلامى وقالى
معرفش معلومة أن الهبهاب النازف بيستدعى بنى أدمين انا مفكره بيستدعى جن بس !!
نصير قاله
لا بيستدعى أى مخلوق على وجه الارض
أيه ده بجد والله أصل معايا واحد !!
وقفنا فترة نستوعب الجملة اللى فاتت وقولناله بصوت واحد
معاك أيه !!
قال
معايا حجر هبهاب نازف فى الكوخ !!!
قولتله
وسايبنا نهاتى من الصبح
بصيت ليهم ووزعت المهام بسرعه قلت
روح معاه يانصير و هات الهبهاب النازف و حصلونى بسرعه على المصنع وأنت ياحنوش خليك مع العفريت أبو جعران لحد مانشوف هنعمل معاه أيه وانت يأبن القاف تعالا معايا المصنع
القاف دخل معايا المصنع وحضرنا القفص ومولد الكهرباء
شوية ولقيت مارو داخل وفى أيده الهبهاب النازف أدانى حجر الهبهاب وقالى
نصير واقف بره المصنع ومارضيش يدخل معرفش ليه!!
قولتله وأنا بكتب أسم نيللى على الحجر
أى جن هيبقى فى المصنع وانا مشغل المولد هيتصعق لحد مايموت
معنى ذلك ان ماهر ممكن يتصعق هو كمان لان نصه جنى !!
قولتله
أخ مجاتش فى بالى دى
وبصيت لمارو وقولتله
أستنى بره معاهم
قالى
لا انا عايز أتفرج وأشوف هتحضرها ازاى !!
قولتله بحزم
بره يامارو عمك أبن القاف عنده حق
ماروا خرج من المصنع وهو بيبرطم زى العيال الصغيره
لا مسيطر يا أبو العيال !!
قولتله وانا بخلص كتابة الطلسم
روح شغل سکينة الكهربا اللى جنب القفص
بن القاف مشى وهو بيبرطم ناحية القفص ونزل سکينة الكهربا فالمولدات أشتغلت بصوت عالى
خلصت كتابة طلسم الجلب وتمتمت بالتعزيمات
وأستنيتها تحضر فى القفص زى جوزها شهاب !!!
ماحضرتش !!
أتأكدت من الطلسم و تمتمت بالتعزيمة تانى
ماحضرتش برضه !!
قفلت سکينة الكهربا وأستدعيت نصير فجه هو ومارو
نصير دخل وهو متحمس وقال
ها كهربت أمها !!
هزيت رأسى بالنفى وقولت لمارو
أنت متاكد ان الحجر شغال !!
قالى
أنا ما أستخدمتهوش فى الجلب قبل كده على ما أعتقد شغال ولسه فيه طاقة
نصير قالى
الحجر شغال انا حاسس بطاقته
قولتلهم
يمكن أنا كاتب الطلسم غلط !!!
نصير بص على الحجر و قالى
لا برضه الطلسم صح
قولتلهم وانا متعصب
أمال محضرتش ليه!!!
نصير قال
طيب جرب أستدعى الجن اللى فى خدمتها ذنار !!
قولتلهم
طيب أطلعوا بره بسرعة !!
كتبت أسم ذنار و الطلسم الخاص بجلب الجن و تمتمت بالتعزيمات
أبن القاف كان واقف عند سکينة الكهربا المره دى بس مانزلهاش علشان ذنار مايموتش أول مايحضر
أول ما خلصت التعزيمة لاقيته حضر فى القفص !!
مكنش مندهش أو بمعنى أصح مابينش أندهاشه كان هادئ جدا فقولتله
أعرفك بنفسى
قطع كلامى وقال بهدوء
نور بن ناير عدو سيدتى اللدود وجلبتنى بعد ما فشلت تجلب سيدتى بالهبهاب النازف !! وبطمنك انك مش هتقدر تجلبها مهما عملت سيدتى كبئر برهوت لا يسرى عليها قوانين الجلب
قولتله
كويس انك عرفتنى الامنية التالتة ودلوقتى مع السلامة على ما اخلص على سيدتك وابعتهالك
وشاورت لأبن القاف فنزل پسكينة الكهربا
ذنار فضل يقاوم شوية من غير مايصرخ بس ماقدرش يتحمل الكهربا
أبن القاف رفع سکينة الكهربا
فأستدعيت نصير ومارو وقولتللهم على اللى قاله الجنى بتاع نيللى قبل مايموت !!
فنصير خبط راسه وقال
أزاى فاتت علينا كلنا دى نيللى هربت للبير أصلا علشان مانعرفش نستدعيها بالهبهاب النازف أكيد أول ماتخرج من البير هتطلب أنك ماتعرفش تجلبها خاصة انها ماتعرفش أنى أكلت الهبهاب النازف معنى ذلك انى براءة وانى مش السبب أن الحړب قامت
وباس مارو وقاله
قسما بربى أنت عيل مرزق ووش السعد أخيرا هعرف أنام وانا مرتاح !!
قولتله
اها هتعرف تنام لابد !! حاليا أحنا قتلنا الكتيبة اللى بعتتها و قتلنا الخادم بتاعها وش كده الليلة دى مش هتعدى من غير حرب أستدعيت المهندسين زى ماقولتلك !!
قالى
جايين ومعاهم الاسلحة والدروع
أبن القاف قال
مش هينفع نستنى
كتير لازم أحنا اللى نبدأ الھجوم علشان يبقى لينا الايد الضاربة
مارو قال
العفريت اللى رميت فى قلبه الجعران هيتكلم انا واثق أنه مش هيتحمل كتير !! وان شاء الله هنعرف المكان اللى موجودة فيه والتحصينات بتاعتها
قولتله
طيب أجرى بسرعه وحاول تقرره أرمى كام بتاعه من دول لو هتنجز معاك وتخليه يقر بسرعة !!
فقالى
أنت غشيم ياوالدى كده ھيموت !!!
فنصير قالى
شفت مش انا لوحدى اللى بقول عليك غشيم !!
الجن المهندسين حضروا المصنع ومعاهم الاسلحة والدروع من المخزن السرى اللى فى عالم الجن
مارو قرب عليا وهو مبتسم وقالى
مش قولتلك هيعترف بكل حاجة جاهز تعرف اللى قاله العفريت يابويا علشان الموضوع طلع صعب شوية !!!
ا
رواية ميراث نور الجزء الرابع
الحلقة الثالثة بعنوان جزيرة الافاعى
مارو قرب عليا وهو مبتسم وقالى
مش قولتلك هيعترف بكل حاجة جاهز تعرف اللى قاله العفريت يابويا علشان الموضوع طلع صعب شوية !!!
قلتله
صعب أزاى !!
قالى
عدوتنا فى قلعة محصنة ملهاش مدخل ولا بوابة ارتفاعها واصل السحاب جدرانها من الجرانيت السميك ومفيش أى تضاريس أو جبال حواليها فى مكان مهجور فى عالم الانس والجن مكان بيسموه جزيرة الأفاعى!!!
القلعة هيبقى صعب تسلقها لان عليها حراسة شديدة
تحت القلعة جيش كامل من الشياطين مجهز بالاسلحة والدروع
بجانب كائنات العزيف ودول محتاجين نتغلب عليهم الاول علشان نعرف نتسلق القلعة واللى متقسمة طوابق كل طابق فيه كتيبة من الشياطين واللى جاهزين يرموا الحجارة والڼار على أى حد هيتسلق القلعة
طبعا الطابق الاخير متقفل تماما ومفهوش حتى فتحه واحد وده الطابق اللى قاعدة فيه عدوتنا
أبن القاف قال
كده يبقى الموضوع شبه مستحيل !!
نصير قال
يابنت القرود!!
قولتلهم
ولا يفرق معانا أحنا هنهجم برضة !!
حنوش قال
بس ده هيبقى أنتحار !!
قولتله
أحنا تقريبا كده كده ميتين سواء هاجمتنا أو هاجمناها
أبن القاف قال
انا مع نور على الاقل هبقى مت وانا بحاول أقضى على الشړ مش وانا بدافع عن نفسى
مارو مكنش مركز معانا وقال وهو بيبص على أسلحة الكهربا
هى دى بقى أسلحة الكهربا !!
قولتله
أها
وروحت جبت سلاح من الاسلحة وقلت
ده قوس ودى أسهم وتر القوس بيشحن السهم
أديت مارو القوس و أنا بقوله
ماتنساش تمسك السهم من القاعدة الخشبية اللى ورا
وناولته درع و قولتله
ده درع مصنوع من المطاط المتين مضاد للحرارة علشان مايوصلش الكهرباء
شاورلى على سيف فقولت
نفس الفكرة شحنه كهربائية عالية وبتقتل أى شيطان يصيبه
قطعت كلامى لما لاقيته ماسك قنبلة كهربائية وبيقولى وهو بيحاول يفتحها
وأيه البتاعة اللى عامله زى الطبق دى !!
جريت بسرعة خطڤتها من أيده وانا بقوله
يخربيتك ده مش طبق رز بلبن دى قنبلة بتطلق موجات كهربائية مداها كبير جدا ودى أخر حاجه هنلجألها زى حزام ناسف كده
نصير قال
هو أحنا هنهاجم من غير خطة!!
قولتله
تقريبا كده هنسيبها على الله أهم حاجه توزع الاسلحة
