رواية ميراث نور الجزء الرابع بقلم لينا بسيوني
وهو مش على بعضه
مصېبة البرج الخشب اختفى !!!
رواية ميراث الجزء الرابع
الحلقة الرابعة بعنوان برج الخشب
اختفى مارو و اتقدمنا بالجيش واحنا بنحارب بواقى الشياطين اللى أتبقوا من المعركة لحد ما وصلنا تحت القلعة بالضبط الشياطين اللى فى طوابق القلعة بدأوا يحدفوا علينا كتل حجارة وڼار!!
ظهر حنوش وجنبه مارو وقالنا وهو مش على بعضه
قلتلهم
أختفى أزاى!
حنوش قالى
معرفش أحنا روحن
ماروا نط على حنوش وقعه على الارض وأنقذه من صخره كانت هتقع فوقيه
حنوش قام من على الارض وبص على الصخره الكبيرة اللى كانت هتقع عليه وقال لمارو
الف شكر يابن الجني
مكملش كلمته و اتفاجئنا بأعداد مهوله من الخفافيش بتهجم علينا وغطت ارض المعركة كلها!!!
لفيت لفة كامله واتحولت لتنين وطيرت فوق وانا بنفث الڼار وبحرق الخفافيش اللى حاجبه الرؤيه عن أرض المعركة
فضلت احړق فى الخفافيش لحد الرؤيه ما بدأت توضح
اټصدمت لما شوفت جيش تانى جاى من ورا القلعة!!
أنطلقت ناحية على جيشنا
اخدت نفس عميق و هبطت بسرعة وانا بنفث الڼار على
الأسود من فوق
الاسود أ تكاترت عليه ووقعوه فى الأرض
طيرت ناحيته بسرعة كنت هنفث الڼار فى الأسود بس خفت احرقه معاهم
فلفيت فى الهوا ونزلت على الأرض وانا متحول لحيوان
نيص عملاق !!!
حيوان النيص فى الأساس حيوان حجمه صغير بيصنف من القوارض الأسد بېخاف منه بسبب اشواكه الحادة جداا واللى بيستخدمها فى الھجوم على الحيوانات المفترسه
هاجمت الأسود اللى فوق مارو بالشوك اللى فى جسمى وانضم ليا ابن القاف الذئب نصير وحنوش كانوا مغطين ظهرنا و بيقاتلوا العمالقة
الاسود كانت كتير جداا طبقات زيحنا وقتلنا طبقتين من الأسود لحد ما بدا جسم مارو يظهر
مارو نفض الأسود اللى باقيه فوقيه
كانوا بيموتوا بصعوبة سواء پالنار او بالكهربا تعبنا جداا على ما قدرنا نقتلهم كلهم
لسه هنزل على الأرض اتفاجأت بجيوش تانيه من العمالقه جايه من بعيد جدا
نزلت على الأرض وقلت
فى جيوش عمالقه تانيه جايه علينا مش هنقدر على العدد دا كله هنضطر نلجأ للقنابل
مارو اتنطط وهو بيقول بحماس
انا انا
قلتله
هتعرف توصلها لمسافة بعيده لو وقعت قريبة ھنموت معاهم!!!
قالى بتحدى
عيب عليك ياوالدى !!!
قلتله
عايزين نرمى قنبلتين على الأقل فى نفس الوقت
دخل حنوش فى الحوار وقال
يبقى مارو يحدف واحدة وانا احدف واحدة يلا يا مارو تحدى
اختفى حنوش ومارو ورجعوا بالقنابل وقفوا جنب بعض نشنوا ورموا أقراص القنابل فى السما علشان تسقط على جيش العمالقة
معدتش ثوانى وشوفنا موجه الكهربا الزرقا من بعيد وهى بتصعق السما
تأثير الموجه وصلنا دروع المطاط حمتنا بس اتنطرنا كلنا لورا شوية و سمعنا صرخات العمالقه بترج المكان
استنيت لحد ما الموجه اختفت واتحولت لتنين وطيرت عشان اشوف لو لسه حد فاضل من العمالقة او لا
لقيت بقايا مغطيه الأرض
رجعت للجيش ورجعنا تانى على القلعة
ابن القاف امر الجيش يقف بعيد شوية عن سور القلعة عشان يتفادوا الصخور والڼار اللى بتترمى علينا زى المطر من فوق
مكنش قدامنا غير حل واحد علشان نعرف نتسلق القلعة بعد اختفاء برج الخشب قلت لمارو
هات الحبال وأركب فوق ضهرى
اختفى ورجع وعلى كتفه الحبال اللى فى أخرها خطاف
وركب فوق ضهرى كان تقيل جدا !!
قولتله
يخربيتك !! أنت تقيل اوى ده على كده نصير خف
الريشة !!
فردت جناحى وقلت لنصير قبل ما اطير
لما تسمعنى بديك الاشارة تبدأ الاقټحام بالجيش على طول
حلقت فى السما وفوقيا مارو وهو شايل الحبال والقوس
كان مبسوط جدا عشان راكب فوقيا
اول ما أرتفاعنا بقى موازى للطابق الاول وشوفنا الشياطين حضرت نفسى علشان أنفث الڼار بس مالحقتش مارو مط قوسه وفى لمح البصر أطلق سهامه الكهربائية عليهم فأتحولوا لرماد
وسمعته بيقول
طير يابابا طير !!!
طيرت للمستوى اللى بعده مارو نفس الفكرة خلص على فى لمح البصر
الطوابق الاعلى بقوا بيرموا الحجارة والڼار علينا أنا ومارو قبل مانطلعلهم مارو وقف برجليه فوق ضهرى !!!
قولتله
حاسب يالا لتقع من فوقى !!!
قالى
عيب عليك ياوالدى !!!
ومط قوسه وهو واقف فوق ظهرى وبدأ يصيب الشياطين اللى فى الطوابق الأعلى قبل مانوصلهم
لحد ماوصلنا للطابق الرابع
مارو نط من فوق ضهرى وبقى وسط الشياطين اللى فى الطابق خلص عليهم بالسيف وثبت الخطاطيف اللى فيها الحبال و قبل مايرميها تحت
وقف
قولتله
فيه أيه يا مارو !!! مارمتش الحبال ليه !!
قالى
جدران القلعة متعزم عليها بالسحر الأسود ولو الجن العادى تسلقها ھيموت أدينى دقيقة واحده أفك التعزيمات !!!
قولتله بأستغراب
بتفك تعزيمات سحر أسود فى دقيقة واحدة!!!
قالى
أسف ياوالدى لو هعطلكم !!!
غمض عينه وفتحها فبقت مشقوقة بالطول زى الجن وتمتم بكلمات غريبة فجأه القلعة كلها أتهزت ورجعت ثبتت !!
رمى الحبال تحت وهو بيقولى
تمام ياوالدى
!!!
سمعت صوت فى ودنى نصير وهو بيقول
الحبال على الأرض نطلع !!
قولتله
أطلعوا مع انى شايف أن مالهاش لازمة تتعبوا نفسكم !!
نصير قال
مسافة السكة يانينو
ومسكوا فى الحبال و بدأوا يتسلقوا القلعة
دخلت الطابق الرابع وانا على هيئة تنين لفيت لفه كاملة ورجعت بنى آدم جريت جنب مارو علشان نطلع على الطابق الخامس اللى مستخبيه فيه نيللى
وصلنا لسلم بيودى للطابق الأخير
صعدنا السلم لحد آخره وأتفاجئنا أن الطابق مسدود وملهوش مدخل !!!
مارو حط ودنه على جدران الطابق الخامس شوية وقالى
أنا سامعهم عدوتك جوه ومړعوپة !!
قولتله
مفيش باب هندخل أزاى !!
قالى وهو مبتسم
كدهوه !!
وضړب جدار القلعة برجله كأنه بيشوط كوره !!
الجدار الجرانيت أتشقق !!
فضربه برجله مرة تانية فأتفتت بسهولة زى الفلين !!
فضل يضرب الجدار برجله لحد ماعمل خرم كبيرة فى الجدار عدى منه وعديت وراه
أول مادخلنا الطابق شوفنا نيللى قاعدة فوق عرش
وجنبها عرش تانى شبهه بالظبط بس محدش قاعد عليه !!
واقف قدام عرشها عدد كبير من عفاريت الجن بيحرسوها
نصير وحنوش وأبن القاف وباقى الجيش وصلوا وعدوا زينا
مارو قرب على عفاريت الجن بسيفه فحاوطوه وعملوا حواليه دايرة فبدا الھجوم عليهم لوحده قبل ما ينضم له أبن القاف وحنوش
انا ونصير و باقى الجيش روحنا ناحية نيللى واللى أول ماشافتنا طارت لفوق ورمت علينا تعزيمة نطرتنا كلنا لورا
وحاوطت نفسها بحماية من السحر الاسود
هجمنا عليها بس أتفاجئنا بحاجة زى حاجز بېحرق أى حد بيقرب منها
الحاجز فضل مانعنا أننا نقرب منها
أى سهم كان بيترمى عليها من ناحيتنا كان پيتحرق قبل مايوصلها !!
ضحكت وهى بتقول
أنا أقوى ساحرة على الارض حتى لو هزمت جيشى مش هتقدر ټقتلنى يا كل
حاولت أفك الحماية وتمتمت بكل التعزيمات اللى أعرفها وكلها فشلت نصير برضه كان بيحاول يفك الحماية بس فشل
نيللى تمتمت هى كمان بكلمات تقوى حمايتها وتوسع مجالها
مجال الحماية كبر و رجعنا لورا وبعدنا عنها مسافة أكبر عشان مجال حمايتها كان بيحرقنا
مارو وحنوش وأبن القاف أنضموا لينا بعد ماخلصوا على عفاريت الجن
قولتلهم
محدش يقرب عاملة تعزيمة حماية وبتحرق أى حد بيقرب منها !!
قولت لمارو
تعرف تفك الحماية !
غمض عينيه و بعدين فتحها عينه قلبت ورجعت تانى شوية وقالى
لا الحماية دى قوية جدا ومش
