رواية ميراث نور للكاتبة لينا بسيوني حصري الجزء الثاني
فيها كفر بالله !!!
أتفاجئت بالتماسيح كلها بتلف و بتهجم عند مقدمة المركب بعد ماشهاب عمل ثغره فى التعزيمه !!
Lina Basyouni
حاولت بسرعة استدعى نصير تانى سمعته بيقول
الحقنا يا نينو احنا متحاصرين!!!
اتوترت ومبقتش عارف اعمل ايه!!!
التماسيح بدأت تاكل فى خشب المركب !!
فجأه جاتلى فكرة غريبة لو فشلت ھنموت كلنا !!
تبتوا فى المركب وماتخافوش من اللى هتشوفوه ولوعرفت ارجعكم للبر تانى اجروا بسرعة على الكهف .. الكهف عليه حمايه فاهمين !!!
ماستنتهمش يردوا عليا و نطيت من فوق المركب وانا بلف فى الهوا بالقميص لفه كامله وفكرت فى حيوان اسطورى !!!
Lina Basyouni
وبدأت اسقط فى قاع النيل ...
التماسيح سابت المركب وغطست ورايا علشان تصطادنى ....
فجأة حسيت بعضمى بيتكسر وسمعت صوت طقطقه فى جسمى كله
دراعاتى بدأت تتحول لاجنحه طويله وجلدى لحراشف
جسمى كله اتحول فى الميه والتماسيح الجن اللى غطسوا ورايا لما شافوا شكلى الجديد سبحوا بعيد وهما مرعوبين !!!
خرجت من الميه وانا تنين عملاق !!!
Lina Basyouni
حلقت فى السما وزمجرت بصوت عالى ونفثت الڼار من حلقى
قربت من المركب بتاعنا وشيلته ونقلته للبر تانى علشان يبقى بعيد عن الخطړ ..
والست اللى معانا على المركب !!
الوحيده اللى مكانتش مستغربه كانت سندس واللى كانت
بتشاورلى و بتسقف !!!
طيرت ورجعت تانى لمركب نيللى وشهاب اللى فى النيل
شهاب ونيللى كانوا مذهولين من اللى شايفينه ومش مصدقين عينينهم !!!
Lina Basyouni
بس فيه رمح صابنى !!
أندهشوا زى مانا أندهشت من اللى حصل !!
الرمح صابنى بس مأثرش فيا بسبب جلدى الصلب !
هجموا عليا وفضلوا يضربونى بكرابيج طويله على جسمى محستش بحاجه برضه كرابيجهم وسيوفهم ورماحهم مكانتش بتأثر فى جلدى !!!!
خدت نفس عميق ونفثت من بوقى ڼار فى أتجاههم!!
أتفاجئوا أن الڼار بتاعة التنين بتأثر فيهم وبتحرقهم !!!
وأن ده مش مجرد وهم وسحر تخيلى واللى قدامهم تنين فعلا!!
فضلوا يصرخوا من الڼار القويه منهم اللى أتحرق وأتحول رماد ومنهم اللى جرى بعيد و بيحاول يطفى الڼار اللى ماسكه فيه.
حړقت تقريبا نص المجموعه اللى هجمت عليا والنص التانى جريوا من قدامى وهما مرعوبين !!
رجعت بصيت على المركب اللى فيها شهاب ونيللى لاقيتهم أختفوا بالمركب !!
Lina Basyouni
سمعت صوت نصير بيستنجد وبيقول
ألحقنا يانور... بڼموت !!!
قولتله وأنا بتلفت حواليا
أنت فين يانصير ! انا مش شايفك !!
قالى وهو پيصرخ
شغل تعزيمة عين الجن وبص فى السما ناحية نجمة الشعرى اليمانيه هتلاقينا فى الساحه ومتحاص....
صوت نصير قطع !!!
ومالحقتش أقوله انى مش محتاج تعزيمة عين الجن لانى بشوفهم بعين التنين ..
Lina Basyouni
دورت على نجمة الشعرى اليمانيه أكتر النجوم سطوعا فى السما النجم الوحيد بأستثناء الشمس اللى أتذكر أسمه فى القرآن..
لحد مالقيته بيلمع فى السما ركزت نظرى عليه وشوفت ساحة الحړب
حلقت فى السما ناحيتها .
لحد ما وصلت للساحة
وشوفت جيش نصير اللى متحاصر بالالاف من الجن و المخلوقات الغريبه!!و اللى في منها شبه السحالى و الثعابين الضخمه وفى منها اللى شبه الاخطبوط وليها أطراف كتيره .
Lina Basyouni
كانوا محاصرينهم ومطوقينهم فى دايره نصير واللى معاه كانوا بيحاربوا بشجاعه فى نص الدائره بس الجيش اللى قصادهم كبير جدا ومبيخلصش ومحاوطنيهم من كل ناحيه.
كانوا بيديقوا عليهم الدايرة و جيش نصير كان أوشك على الهزيمه !!!
هبطت فوق ساحة المعركه وخدت نفس عميق جدا ونفثت ڼار قويه على الدايره اللى محاوطاهم وفضلت أحرق الجن والمخلوقات الضخمه اللى فى صفوف الدايره ....
المخلوقات حاولت تهاجمنى بس نفخت الڼار عليهم فأتحروقوا وجريوا وهما خايفين ...
فضلت أنفث الڼار على صفوف الجن وانا بتقدم لحد ما قدرت أصنع ثغره فى الدايره ووصلت لنصير واللى معاه ...
Lina Basyouni
نصير واللى معاه أول ماشافونى قدامهم رجعوا لورا وهما خايفين كانوا مفكرنى مخلوق من المخلوقات اللى مع شهاب ...
زمجرت بصوت عالى وكملت حړق فى الجن اللى ضد نصير فى المعركة..
نصير كان بيبص على التنين بأستغراب وقال بأندهاش
نينو!!!!!!!!!
هزيتله راسى !!
فلاقيته بيقول للى معاه وهو فرحان كلام بلغة الجن مفهمتش معناه ...
بس لاقيتهم فرحوا و خبطوا بأيديهم على صدورهم وهما بيصرخوا بحماس وبصوت عالى هز ساحة المعركه والتفوا كلهم ورايا ....
الجن اللى كانوا فى الحړب ضدنا أترعبوا أكتر ماهما مرعوبين منى وبدأوا يتراجعوا وفيه منهم اللى ساب سيفه وأختفى أعدادهم بدأت تقل بس لسه برده عددهم كبير وبيحاولوا يضربونى بالرماح والسيوف ..
كنت لسه مع نصير فى نص الدايره فوجئت بنصير بينط وبيركب فوق ضهرى
