روايه ليله صعبه كامله بقلم مجهول
كامله
نزلت من بيتنا بعد نص الليل عشان اشتري علبة لبن من الصيدلية لبنتي الصغيرة
وانا في الطريق قابلت ست شحاته عجوزه ماشيه بعكاز..قالت يابني ممكن عشره ج اكمل اجيب عشا بيهم
صعبت عليا ولسه همد ايدي في جيبي افتكرت أن يادوب
مفيش معايا الا تمن علبة اللبن
حسيت باحراج وفكرت شويه وبعدها ..
بصت في عيني وزي ما تكون فهمت شعوري
قالتها بكسره ..ومشيت وهي بتحمل على عكازها ..زعلت من نفسي وطلعت من جيبي الفلوس وجريت وراها عشان الحقها لما لقيتها دخلت في شارع جانبي شبه مظلم ..استني يا ست حقك عليا
لكنها مردتش عليا وفضلت ماشيه وانا وراها
وهي تشد الخطوه وانا كمان ..لغاية ما وصلت نص الشارع
ثبتوني وقالوا ..اثبت ياض اطلع باللي معاك ل نشقك
لو سمحتم انا مش معايا حاجه غير تمن علبة لبن لبنتي الرضيعه .. ضحكوا بسخريه
وقالوا لا صعبت علينا بجد
طب اطلع بالفلوس يا نونه بدل ما ترجع لبنتك على نقاله
لسه هطلع الفلوس وانا في قمة حزني
ودني ألفته لحد بيقول
فعلا اندال مش لاقيين الا الراجل الطيب دا وتفتروا عليه
حد منهم وجه نور كشاف على مصدر الصوت
وكان الست العجوزه الشحاته
ضحكوا بسخريه وقال واحد منهم وهو بيقرب منها طب يلا يا تيته شوفي رايحه على فين وخلي ليلتك تعدي على خخخخ
لما شوفت سيف بيلمع خرج من عكاز العجوز
وبعدها وقع على ضهره چثه هامدة
حالة ذهول انتابتني وانا واقف والبلطجي التاني نظراته مابيني وبينها وبين چثة زميلة الواقع تحت رجليه
ولسه هيجري كان السيف رشق في ضهره واخترق بطنه
وماټ في الحال
متخافش مفيش حد شاف اللي حصل غيرك
وانا عارفه انك مستعجل على مشوارك
انا ..انا ..اصل انا كنت جاي وراكي ع عشان..
عارفه ..خلاص ملوش داعي
انا كدا ضمنت وجبة العشا بتاعتي
قالتها وهي بتلحس السيف من أثر الډم
وبعدها محستش بنفسي الا وانا فاقد الوعي
صحيت الصبح على صوت صړخت بنتي
ومراتي بتقولي قوم يا محمود ..امسك البنت على ما احضر الرضعه
الحمدلله أنه طلع كابوس
شيلت البنت وهديتها لحد ما مراتي جابت الببرونه
وقالت وهي بتشيل البنت
بس غريبة ..
هي ايه اللي غريبة ؟
انت مش قولت انك مش معاك الا تمن علبة ال.
