روايه عيب الشوم الجزء ٢١ بقلم مريم احمد
همس هترجع لأبوها بس لاقت ايد بتقبض على دراعها بقوه
بصت تشوف مين لاقيتها رانيا
بصتلها همس و هي مستغربه و بعدت ايدها عن دراعها
همس...بعد اذنك
قالتلها رانيا بكل تكبر
رانيا...الدكتوره كانت بتقولك ايه
همس.. حضرتك تقدري تسأليها
قالتلها رانيا پحده
رانيا. .و انا سألتك انتي يبقى انتي الي تردي مش هي
اضايقت همس جدا منها و قالتلها
جيه مرتضى لما سمع صوت همس بالرغم. من ان صوتها مكنش عالي الا انه جالها يشوف في ايه
و اټصدم لما لاقى رانيا
ردت عليها رانيا پغضب و هي بتقول
رانيا...م انتي لو كان ابوكي عرف يربيكي كويس مكنتيش اتكلمتي معايا بالاسلوب الزباله دا
زعق مرتضى پغضب و هو بيقول
مرتضى ...انا ربيت بنتي كويس يا رانيا و اياكي تزعقيلها او صوتك يعلى عليها انتي فاهمه
جيه عادل و قالهم
عادل...انا اسف جدا يا مرتضى هي بس اعصابها مشدوده عشان هيا
ابتسمله مرتضى باحترام و قاله
مرتضى...ازيك يا سيادة اللوا
ابتسم عادل و سلم عليه و هو بيقول
عادل...بخير يا مرتضى انت اخبارك ايه و الحج
مرتضى...اهو هناك تعالي نروحله
و راح هو و عادل و همس و سابوا رانيا واقفه ھتموت من الغيظ
جت الساعه 10 مالك قالهم
مالك..يلا يا جماعه عشان اروحكوا و الحق اروح على الشركه
قالت همس برفض
همس...لا انا مش هسيب هيا
مالك...تاني يا همس
طبطب عادل على كتفها و قالها
عادل...اسمعي الكلام يا بنتي و ابقي تعالي تاني او بكره
قالت رانيا پغضب
رانيا...شايف قلة ادبها مسلمتش على امها ولا بصتلي حتى
عادل ...و انتي من امتى اعتبرتيها بنتك و حسستيها انك بتحبيها عشان تعتبرك امها يا رانيا دي كل مره كانت بتيجي تسلم عليكي كنتي بتسمعيها كلام زي الس م
قالتله رانيا بشړ
رانيا...عشان هي تستاهل
عادل...انا زهقت منك
...استغفر الله العظيم الذي لا اله الا هو الحي القيوم و اتوب اليه
عدى اسبوع كانت همس بتروح تزور اختها مره هي و ابوها و جدها و مره هي و بنات عمها و عمامها و هكذا
في يوم كانت همس جاهزه عشان تروح لأختها و قاعده تحط في الصاله مع جدها و ابوها
موسى...هتروحي المستشفى
سكت موسى و متكلمش
جيه مالك الي كان رايح الشركه
قامت همس و راحتله و هي بتقوله
همس...هينفع توصلني للمستشفى يا مالك ولا اخلي عم رأفت السواق يوديني
مالك...همس اختك مش فايقه اصلا و انتي بتروحي تفضلي قاعده بره كمان بقالك فتره سايبه الشركه و دا غلط خصوصا انها يعتبر لسه بدأه
قالتله همس بصوت كله خوف من سماع الاجابه
همس...قصدك انك مش عايزني اروح ل هيا
رد موسى بدل مالك و قال
موسى...مالك معاه حق
