روايه ازاي اطفش عروسه بابا "الفصل9"

جيتها مغلوب على أمره ..
غفران _ بابا المخدة ديه عالية أوي هتكسرلي رقبتي .. 
عمر باس راسها _ اسف يا روح بابا بس الدكتور وصاني على كده المخدة تبقى مرفوعة شوية هنحط الدوا و بعدها ننام عشان نرتاح .. 
جاب كيس الدوا طلع منه المرهم المفروض يتحط جوا مناخيرها بس ملقاش الأداة اللي المفروض يتحط بيها و فضل لفترة بيلف حوالين نفسه مش عارف يعمل ايه ..
سمية بهداوة _ ممكن تعقم صباعك و تحطهولها كنت بعملك كده زمان .. 
عمر مستغرب _ صباعي .. 
بيقارن حجم صوابعه واحد ورا الثاني مع فتحة أنفها الصغير بس الحيلة ديه مش هتنفع ..
غفران بطفولية _ صباعك كبار اوي يا بابا بس ممكن خالتو نسرين تجرب هيمشي الموضوع صح
نسرين بلعت ريقها _ عايزني أحشر صباعي في انفها .. 
عمر بيهرش في لحيته _ لو معندكيش مانع .. 
نسرين اتوترت _ مانع .. لا طبعا .. 
عطاها معقم عقمت أصغر صوابعها و حطتلها الدوا بالراحة طبعا عمر مراقبها أصغر غلط هيندمها عليه بيلهي بنته فنفس الوقت عن الۏجع لسا هتحمد ربنا خلصت المهمة على خير في آخر لحظة غفران نفت في صباعها ..
غفران ببراءة _ أوبس آسفة ڠصب عني مقرفتيش مني صح بابا بيقول الآباء مبيقرفوش من ولادهم .. 
نسرين بصت على صباعها عيونها بتدمع من القهر _ مقرفتش خالص لا مقرفتش مش قرفانة خالص مش قرفانة طبيعي كلو طبيعي .. 
غفران كتمت ضحكتها _ سمعناكي يا خالتو نسرين ..
جريت تدور على أقرب حمام ظلت فترة بتدعكه و تحط صابون عليه قرفانة منها بتتوعدلها بعقاپ أكبر عارفها عملت كده قصدا عشان تغيظها ..
في اليوم اللي بعده قاعدين في الصالة عمر ماسك طبق الشوربة بيحاول يشربهولها بس مش راضية ..
غفران لفت راسها الناحية الثانية _ مش عايزة أشربها ريحتها وحشة و طعمها هيبقى مقرف .. 
عمر اتنهد _ مينفعش نقول كده على نعمة ربنا هزعل منك .. 
نسرين بمياعة _ ينفع أجرب معاها ممكن تقتنع .. 
عمر ادالها الطبق قام من على الكنبه _ طيب انا هلم الغسيل و راجع .. 
نسرين ملت الملعقة وحشرتها في بقها _ يلا يا بلوتي اشربي من تم ساكت .. 
غفران _ عايزاني أشربها حاضر .. 
سحبت منها الطبق شربته كله دفعه وحدة و
لسا نسرين بتمدح في شطارتها بنبرة التريقة غفران شهقت مرة وحده استفرغت الشوربة كلها على وشها و هدومها ..
نسرين صوتت _ دخلت في بقي ..
يتبع ..