رواية ساره كامله
تاني وقفلت علي نفسها الباب..
قام من مكانو لقي أكل علي السفرة متغطي إبتسم بحزن ودخل الحمام أخد شاور وطلع أكل..
وبعد ما خلص أكل أخد الأكل ودخلو المطبخ لقي كنكه صغيرة محطوط فيها قهوه وماية ناقص بس تتحط علي الڼار ووتحط في كوباية..
وقف عملها وهو ندمان جدا علشان عمل كل دا في سارة وفضل ميرا عنها مع إن ميرا متستاهلش وبقا يتوعد لميرا عن اللي عرفوا..
ساب كل حاجة مكانها ودخل الأوضة وقفل علي نفسه..
طلعت ميرا من الأوضة لما سمعت الباب إتقفل ودخلت المطبخ علشان تعمل لنفسها نسكافيه لقت إن القهوه فارت وهو مشربش أصلا إبتسمت بسخرية وقالت في نفسها كنت ناوية أعملهالك بس إنت متستاهلش
فتح فارس باب أوضتو بسرعه لما سمع الباب بيتقفل وإعتقد إنو بيتفتح بس إتضايق لما لقاه مقفول
دخل المطبخ لقاه متنضف
نفخ بضيق ودخل الأوضة وقال أكيد هتطلع من الأوضة مش هتعمل فيها بيات شتوي يعني
قعد علي السرير وقال بضيق حظك إن أجازتي النهارده ف مش رايح في حتي وقاعدلك
أما في أوضة الأطفال اللي فيها سارة كانت قاعده و..
يتبع..
البارت الخامس
بارت
6 و 7 ساره
كانت سارة قاعده في أوضتها وبتكلم مليكه شات واتساب..
سارة مليكة أنا مش عارفة هقولو إزاي علي الفرح أنا أصلا قولتلو مش هخليك تشوف وشي تاني وحقيقي مش عارفة أعمل إيه
مليكة لأ بصي هقولك.. هو مدام إسلوبه إتغير معاكي وكدة يبقا إنتي حضري الغدا عادي وقوليلوا فيه فرح وكدة وهروحو لو قالك لأ هخلي بابا يكلمو
مليكة يووه مش وقت دا خالص يا سارة إبقي إعملي اللي تعوزيه بعد الفرح ويا سلام لو جه وشاف أخو شيري اللي أصلا عينو عليكي من أيام الثانوي فاكرة!!
سارة بعتت إيموجي ضحك وكتبت ياااه كانت أيام لطيفه الله لا يرجعها والله وبعدين أخوكي لو جه معايا الفرح هيبقا عادي..مش هيفرق معاه متنسيش إنو مبيحبنيش
سارة طيب طيب سلام دلوقتي هقوم أحضر الغدا
قفلت سارة الفون وقامت فتحت الباب..
مسمعتش أي صوت والبيت هادي جدا إفتكرته نزل بس لقت باب أوضة النوم مقفول
قربت بهدوء وفتحت الباب بحذر لقت فارس نايم جوا
قفلت الباب بهدوء وراحت المطبخ وبدأت تطلع الأكل و بتعملوا..
إتخضت وكانت هتصوت بس إيد فارس إتحطت علي بوقها وقال بهمس شششش إهدي دا أنا
بعدته عنها بحدة وقالت قولتلك متقربليش إنت مبتفهمش
أخد فراولة من اللي كانت موجوده في الطبق ببرود وقال مراتي وأنا حر وبعدين إنتي بسببك معرفتش أشرب قهوه النهاردة
إدته ضهرها وهي بتكمل اللي كانت بتعملو وقالت والله حاجة متخصنيش إعتمد علي نفسك أو أبقي روح إشربها عند ميرا..
سند فارس علي الرخامة وقال بندم أنا أسف حقيقي أسف
قالت سارة بسخرية وهي بتحط البصل في الحله والله أسف علي إيه
فارس بحزن علي كل اللي عملته
لفت وبصتله وقالت بجمود أسفك مش هيشفعلك اللي إنت عملته
فارس بحزن أكتر سارة
سارة بجمود وتجاهل بكرا ورايا فرح لصحبتي أنا ومليكة والنهارده هنزل أبات مع مليكه علشان نجهز
فارس بسرعة لأ لأ متبيتيش في حتة خليكي في البيت هنا معايا..
سارة رفعت أكتافها وقالت خلاص مليكة تطلع تبات معايا
فارس لسه هيعترض قالت سارة ببرود ما هو يا تبات معايا يا أبات معاها كدة كدة هي في الشقه اللي تحت مني
فارس بغيظ خلاص تتطلع تتنيل تبات معاكي
إدته ضهرها وكملت أكل وهو واقف بيحاول يفتح معاها كلام بأي طريقه وهو متابعها وهي متجاهلاه تماما
خلصت الأكل وحطتو علي السفره وجات علشان تدخل الأوضه مسك إيديها وقال برضوا مش عايزه تاكلي معايا
بصتله بلا مبالاه وبعدها قالت بسخرية ممزوجة بالحزن لأ أصل إنت مبتحبش تاكل مع حد
فارس بندم سارة إنسي اللي فات وأوعدك اللي جاي حاجة تانيه
بعدت إيده عن إيديها وقالت جوازك مني كان كفيل يشفعلك اللي عملتو فيا أيام ثانوي لكن دلوقتي مفيش حاجة هتشفعلك علي اللي عملتو فيا بعد الجواز ومن فضلك متتكلمش معايا.. ومن هنا علي ما نتطلق متحاولش تقربلي
مسك فارس أكتافها وقال پغضب مش هطقلك إنتي فاهمه مش هطلقك
وسعت إيديه بعصبية وقالت بزعيق ياخي بقا إنت أناني ليه ما كفايه ذل وقرف أنا بكرهك يا فارس بكرهك ضعف ما كنت بحبك
سابته ودخلت الأوضة وقفلت علي نفسها وفضلت ټعيط..
هو كان واقف مكانو زي المغيب تماما وبيتردد في عقله بكرهك يا فارس بكرهك
قعد مكانو وقال بدموع أنا شيطان إبليس بس حبيتك والله كنت غبي غبي بجد غبي
قام وبص علي الأكل بحزن وشالو دخلو المطبخ ودخل الأوضة وبدأ يكسر كل حاجة فيها..
كانت سارة في الأوضة سامعه صوت تكسير وخاېفه..خاېفه عليه!
فتحت الفون بسرعة ورنت علي مليكه..
مليكه بمرح أخويا وعم العيال
سارة پخوف مليكة إطلعيلي بسرعه أرجوكي
مليكه بقلق مالك يابنتي فيه إيه فرس النهر اللي عندك دا عملك حاجة
مليكه وهي بتقلع ريقها بصعوبه وصوت التكسير والزعيق بيعلي لأ لأ أخوكي بيكسر كل حاجة جوا في الأوضة وصوته عالي
مليكة بلا مبالاه متقلقيش هخليه يجيبلك عفش غيرو
سارة زعقت وقالت أنا خاېفة علي أخوكي ملعۏن أبو العفش إطلعي بقولك
مليكه بتوتر حاضر يا عم طالعه سلام
قامت مليكة ولفت الطرحه وقالت بضيق أوف يا فارس لسه العادة الزفت دي فيك لما بتتعصب أو بتزعل بتكسر في الحاجة أراك تتحدث عن عفش أبوك يا فارس الزفت .. إيه الهبل دا ما دا عفش بيته أصلا
طلعت ورنت الجرس ولإن فارس عمال يزعق ويكسر في كل حاجة ف مش سامع..
سارة كانت واقفه جمب الباب ولما سمعت صوت الجرس فتحت بسرعه
حضنتنها مليكه وقالت بس بس إهدي أنا هتصرف
فتحت مليكه أوضة النوم بهدوء وقالت بحنية فارس فارس ممكن تهدا
بصلها فارس بعيون حمرا وقال بزعيق براا إطلعي براا
قفلت مليكة الباب وقالت بيأس مش بيتفاهم يخربيتو
قالت سارة وهي بتوسع مليكة وسعي أنا هدخلو
مليكة وقفتها وقالت والخطة يابنتي!
سارة قالت بقلق أما يروق نبقي نعملها
دخلت سارة بسرعه وجريت عليه وحضنته جامد وهي بتطبطب عليه وبتقول بهمس إهدي ومتقلقش إحنا جمبك
شدها لحضنه أكتر وعيط!
قعد بيها علي الأرض وهو مازال حاضنها
فضلت هي تطبطب عليه وتملس علي شعره لحد ما راح في النوم
قربت مليكه وسندت فارس هي وسارة وحطوه علي السرير وغطتو سارة وطلعو من الأوضة
قعدت سارة علي الكنبة وقالت بقلق هو ماله
مليكة بتنهيدة من ساعة ما ماما ماټت ب الکانسر وهو دايما كدة هو أه إبن ستين في سبعين بس لما بيتعصب أو بيزعل جامد دا اللي بيحصله وكنت بهديه فعلا بإن أروح أحضنه وبعدها بينام بس قولت أسيبك إنتي تقومي بالمهمه دي
سارة پخوف كدة مش هعرف أعمل معاه حاجة أنا مش عارفة أعمل إيه مش عارفة..
مليكة بإبتسامة لسه بتحبيه
سارة وهي بتمسح عيونها من الدموع مكرهتوش علشان أحبه تاني بس مش قادره أسامحه ولا هقدر أكمل معاه
مليكه وهي بتطبطب علي كتف سارة طب إهدي بس دلوقتي وبإذن الله هنقدر نشوف طريقة حلوه وكريتيف كدة
سارة بشرود لأ فيه حاجة في دماغي هعملها
وفاجأة سمعو صوت زعيق وصړيخ..
يتبع..
البارت السادس
دمتم سالمين سمعو صوت صړيخ جاي من أوضة فارس جريت علي الأوضة وفتحت الباب لقت فارس نايم وكإنه بيجاهد علشان شخص معين ميسبهوش وهي كانت أمه..
كان بيقول وهو پيصرخ لأ لأ مش مرض اللي ياخدك مني خليكي جمبي لأ
قربت سارة عليه وهي بټعيط وأخدته في حضنها وهي بتطبطب عليه وبتهديه
مسك هو في حضنها أكتر وفضل يتمتم بكلمات مش مفهومة لحد ما راح في النوم تاني
سارة كانت بټعيط في صمت ومليكة واقفه حزينة علي أخوها وصاحبتها
سارة كانت هتقوم لكن فارس مسك فيها وقال وهو نايم ومش واعي للي بيقولو متسبنيش خ..خليكي جمبي متسبنيش
باست جبينه وإيده وقالت بدموع متخافش أنا جمبك
قالت سارة بقلق بعد ما إتفحصت درجة حرارته لإنه كان عرقان جدا سخن يا مليكة سخن
مليكة بقلق أه لما بيحصلو كدة بيسخن بنعملو كمادات لحد ما بيهدي خالص بس بيفضل يخرف في الكلام ف إطلعي
إنتي وأنا هقعد جمبو
سارة زعقت وقالت إنجزي يقول اللي يقولو هاتي مايه وقماشه بسرعة هعملو كمادات..
جريت مليكة جابت طبق فيه مايه وقماشه وإدتها لسارة
حطت سارة راس فارس اللي كانت علي صدرها حطتها علي رجليها وبدأت تعملو كمادات وهي بټعيط في صمت وخاېفة عليه جدا بالرغم من اللي عملو بس مازال قلبها بيحبو ومتعلق بيه
طلعت مليكه من الأوضة وقفلت الباب
وسارة فضلت سهرانه الليل كله جمبو وهي بتعملو كمادات وهو عمال يخرف في كلام مش مفهوم ومش متجمع أصلا س..سارة كرهتني.. أمي ..حبيبتي..متسبنيش خليكي جمبي سارة.. أمي..ماما بحبك خليكي معايا ..ميرا بټأذي
سارة بصاله پصدمة من كلامو ومن الحاله اللي هو فيها وهي بتدعي ربنا يقوم بخير
في الفجر
صحي فارس من النوم لقي راسه محطوطه علي رجل سارة وإيديها علي جبينه وفيه قماشه محطوطه وهي نايمة
قام إتعدل وبصلها بحب وحزن في نفس الوقت
كانت سارة سانده راسها عي ضهر السرير بس إتزحلقت وكانت راسها هتقع بس فارس حط إيده ولحقها لكن كانت هي صحيت أصلا..
فتحت عينيها لقت فارس باصصلها بحب إتعدلت وحطت إيديها علي جبينه وقالت بعدها براحة الحمدلله الحرارة إنخفضت إنت بقيت كويس
مسك إيديها وباسها وقال بحب بقيت دلوقتي كويس أويي
سحبت إيديها وقامت وقفت وقالت بجمود ألف سلامة عليك إتفضل كمل نوم
مسك إيديها قبل ما تطلع وقال بحزن أرجوكي بلاش المعاملة دي حقك عليا أوعدك هتغير
سحبت إيديها وقالت من فضلك يا فارس أنا اللي عندي قولتو وإتفضل إرتاح وأه مليكة هنا
طلعت من الأوضة وقفلت الباب ومسحت الدمعة اللي نزلت من عينها ..
لقت مليكة نايمة علي الكنبة وفي إيديها الريموت
راحت ناحيتها وهزتها براحة وهي بتقول مليكة ..قومي يا مليكة قوميي
صحيت مليكه وهي بتفرك عينيها وقالت طولتي جوا إنتي وانا مستنياكي وبتفرج علي التلفزيون نمت
إبتسمت سارة وقالت تعالي طب ندخل أوضة الأطفال
دخلو أوضة الأطفال وقعدو جوة
قالت مليكة وهي بتتاوب طولتي جوا ليه كل دا بتعمليلوا كمادات
هزت سارة راسها وقالت لأ كنت نمت من التعب ولما صحيت لاقيتو باصصلي ومتنح فيا ولما سألتو إنت كويس باس إيدي وقالي بقيت كويس
غمزت مليكة وقالت أخويا واقع
إبتسمت سارة وقالت بحزن بعد فوات الآوان أنا مش هسكتلو
