روايه ميراث نور الفصل الخامس بقلم لينا بسيوني

 

وااو.. ايه دا يا عمو حنوش!
قلتلها
دى ظاهرة مش هتشوفي ها غير هنا وفى أنتاركتيكا من أجمل وأغرب الظواهر الطبيعية اللى هتشوفيها فى حياتك
سندس قالت
انا حاسه انها علامة واشارة من ربنا يا رب احفظهم واجمعنا بيهم على خير.
نورا كانت لسه هتتكلم وتقول حاجة بس قطعت كلامها لما اتفأجأنا باللى شفناه فى السما!!!!

رواية ميراث نور الجزء الخامس
الحلقة العاشرة بعنوان زيجا الزجزاج
حنوش
نورا كانت لسه هتتكلم وتقول حاجة بس قطعت كلامها لما اتفاجئنا باللى شفناه فى السما!!!!
نورا قالت 
زيجا !!! أيه ده هو بيطير !! وعرف مكانا ازاى !
قلتلها 
لا مبيطرش بيقفز عالى.. وعرف مكانا ازاى دا اللى هنعرفه بعد شوية !
واشهرت سيفى وأستنيته يقرب....
زيجا
كنت سامع صرخات وصوت صليل السيوف بره القبانى حاولت افك نفسى بس مقدرتش لحد ما اتفاجأت بالشياطين داخلين وبيقتحموا عليا القبانى
قلتلهم قبل ما يهجموا عليا 
انا فى خدمة الساحر أيسر وخدونى هنا أسير
قربوا عليا و شمشموا فيا سمعتهم بيطلعوا صوت شبه صوت فحيح الافاعى
شدونى وخرجونى بره القبانى ورمونى تحت رجل جوهر وانا متكتف بالجنازير
وطيت رأسى وأنا بقوله 
أنا زيجا يا سيادة الامير الكلا... اسرونى وانا بطاردهم عند كهف الجن...
قطع كلامى ورفعنى بأيد واحده من رقبتى ورمانى على الجليد وقال للشيطاين اللى معاه
احبسوه لحد ما نشوف اللى مشغله...
قطع كلامه وجرى ناحية جبل عالى...
بصيت عليه لقيته مط قوسن وبينشن ناحية مكان فى السما
بصيت على المكان اللى بينشن عليه فشوفت تنين أبيض راكب فوقيه نصير ومارو متشعلق فى رجل التنين ...
واحد من الشياطين نغزنى علشان أمشى قدامه فوقعت على الجليد...
رجعت بصيت بسرعة ناحية التنين فلاقيته بيهرب بعيد عن أسهم جوهر بعد ما اټصاب بسهم فى جناحه
جوهر نزل من على الجبل وأمر كتيبه بتعقب مارو وأمر الكتائب التانيه يتاكدوا من مۏت كل الچثث اللى فى أرض المعركة
...
شويه ورجعت الكتيبة اللى راحت علشان تطارد مارو والتنين من غيرهم
قائد الكتيبة قال لجوهر ان مارو ونصير ونور اختفوا بالعصايا بتاعة مارو وحاليا مش قادرين يتعقبوهم او حتى يعرفوا مكانهم
جوهر سأل عن باقى عيتلهم فقاله 
الشياطين اللى سبقوا عشان يدوروا عليهم فى القباب لقيناهم ...
جوهر اټجنن واستدعى الساحر أيسر ......
أيسر عمره ما بيشترك بنفسه فى الحروب بس هو البنزين اللى بيولع ڼار الحړب ويشعللها ....
حضر أيسر لأرض المعركة ومعاه الخدم بتوعه من الشياطين واول ما حضر سأل جوهر عن اللى حصل ....
جوهر حكاله على كل اللى حصل فى الحړب وانهم مش عارفين يتعقبوا مارو
ايسر قاله 
معنى كدا انهم اتفرقوا عن بعض واكيد مش هيطلعوا بره القطب الا لما يتجمعوا تانى !
جوهر قاله 
وانا كمان هفضل فى القطب الشمالى لحد ما اوصلهم قبل ما يوصلوا لبعض ....
أيسر قال لجوهر وهو مركز على الشمس اللى بتغرب 
الليل داخل !!
جوهر قاله 
وايه المشكلة !
أيسر رد 
الليل هنا غير أى مكان تانى على الأرض الليل هنا بداية الشتا واللى هيستمر 6 شهور فى ظلام وبرودة ممكن توصل ل 50 درجة تحت الصفر ...
جوهر قاله بأستغراب 
ايوا يعنى مفهمتش أيه المشكلة برضه !!!
رد وقاله 
مشكلتين ... أول مشكلة البرودة اللى مش هيستحملها جيشك.
تانى مشكلة الاثار الجانبية للتركيبات اللى بنديها للشياطين واللى منها فقدانهم القدرة على الرؤيه بوضوح بليل..
لازم دلوقتى نستقر فى حته ويا حبذا لو تكون قدام جبل جليدى عشان يبقى ظهرنا محمى.
وهنشعل نيران بالسحر الأسود نيران متنطفيش عشان تنور ثكنات جيشك وتمنحهم الدفئ وبعدها نبقى نشوف هما راحوا فين ...
وبما ان الجيش هيفضل متشكل على هيئة بشړ فهيحتاجوا يأكلوا زى البشر ويمكن اكتر عشان متشرسين.
وهنحتاج محزن للتركيبات الكيميائيه لانى كنت عامل حسابى انك هتخلص على طول التركيبات اللى بديها لجيشك مفعولها بيخلص كل يومين او 3 ايام .
ايسر بصلى وانا متكتف وقال لجوهر 
لقيتوه فين دا !
جوهر قاله 
كانوا مكتفينه ورميينه فى واحد من القباب .
قرب عليا وقالى بشك 
كنت فين يا زيجا !!
دخلت فيه شمال وقلتله 
ايه نظرة الشك اللى بتبصلى بيها دى !! اسأل الشياطين دخلوا لاقونى عامل ازاى !! ايش حال ان انا اللى مسلمك رقابيهم بنفسى ولاد الك... اسرونى لما سبقتكم عشان استطلعهم عند كهف الجن زى ما قلتلى يا عم ايسر ولا ناسى !
قرب عليا وهو بيفكنى وقالى بمكر
قلتلهم ايه عننا يا زيجا !!
قلتله 
كل حاجة . قلتلهم على التركيبات اللى بتديها للشياطين وعن جوهر ابن مارد الجن وانه طلع من البير عشان ينتقم لامه.
وسكت شويه وقلتله 
اها صح وقلتلهم على الكتاب.
ايسر ارتبك وهو بيغمزلى فعملت نفسى عبيط وقلت بصوت عالى 
قلتلهم على كتاب تحوت .
جوهر أتلفتلنا اول ما سمع اسم تحوت وقال لأيسر 
كتاب تحوت !! هو الكتاب دا معاك !!
ايسر ارتبك ورفسنى