روايه ميراث نور الفصل الخامس بقلم لينا بسيوني
وهو بيقولى
عيل خسيس !!
قولتله
تعالا أستحمل الضړب اللى أضربته وبعدين أحكم وشاورت على وشى وقولت
انت مش شايف وشى عامل أزاى !! أتحداك يا أيسر تستحمل بوكس واحد من أيد حنوش ده انا نجيت بأعجوبة هربت من الدايرة اللى عاملنها وفضلت ...
جوهر قطع كلامى وقالى
دايرة !!
قولتله
ماهر عامل دايرة و أبطل جواها السحر بالعصاية اللى معاه علشان يقطع عليكم الأشاره ومتعرفوش تتعقبوه بس أنا أعرف مكانهم !!!
فين
قولتلهم على المكان بالضبط فأيسر بعت الخدمة بتاعته المكان علشان يتأكدوا من كلامى وبصلى وقال
جيش أيه اللى هيستدعوه !!
قولتله
كل الجن اللى حاربوا مع أبن القاف من أول مابدأ حرب الميجوانا عددهم يعدى ال الف هيعملوا سحر عن طريق العصاية ودم أبن القاف بس معرفتش التفاصيل ده كل اللى أعرفه .
هل ده ممكن يتعمل بالعصاية اللى معاه !!
أيسر قاله وهو بيفكر
أنا شوفت العصاية اللى معاه عن قرب ومفحصتهاش بس أعتقد العصاية قوية جدا حسيت بقوتها أول مادخلت الكهف عندهم ...
أيسر قطع كلامة لما الخدمة اللى بعتها للدايرة رجعت قالوله أنهم لاقوا فعلا دايرة مبطول فيها السحر بس مالقوش حد فيها .
عرفت خطة هجومهم !!
قولتلهم
فيه أيه ياجدعان هو انا هحارب لوحدى !! أكيد يعنى مش هيقولوا خطتهم قدامى بس اللى حسيته أنهم هيعملوا زيكم ويعسكروا فى القطب الشمالى .
أيسر كان هيقول حاجة بس حس بصداع رهيب وبعدها وشه بدأ يورم ويحمر فضل يكح وهو مخڼوق ووقع على الأرض وهو بيترعش جريت عليه وقولتله وانا بهزه
نور
خطة نوشة على قد ماكان فيها خيال على قد ماكانت عبقرية وكلنا كملنا عليها علشان تبقى خطة اقټحام كاملة .
أول حاجة عملناها نقلنا نوشة وسندس بره القطب الشمالى علشان يبقوا فى مكان امان .
خليت مارو ينقلهم شقتى القديمة اللى حنوش سلمنى فيها الطرد من كام سنة و يروح يجيب أبرة السم المنوم اللى قالنا عليه واللى خلى مفعوله مركز بعد ما أستخلصه من ذبابة تسى تسى الفتاكة .
زيجا كان بيجرى ناحية الثكنات كأنه بيهرب مننا .
الشياطين شافوه ونقلوه المعسكر أيسر وجوهر خرجوا من ثكناتهم فبدأنا تنفيذ الخطة .
مارو أطلق سهم فى اتجاه أيسر فزيجا نط على أيسر علشان ينقذه من السهم وفى نفس الوقت شكه بالأبرة المسمۏمة .
كنا فوقيهم بالضبط فوق سطح الجبل الجليدى اللى محتمين فيه.
مكان أستحالة حد يفكر اننا فيه مكان أستحالة حد يعيش فيه درجة الحرارة فوق الجبل قادرة تجمدك وتخليك عبارة عن مكعب ثلج بس بفضل عصاية مارو كنا قاعدين فوق ومخففين هدومنا كمان !!
الواد مارو جرب تعزيمة على العصايا خلاها تخرج حرارة من غير ڼار !! زى الدفاية كانت مدفية كل الدايرة اللى أحنا فيها!! .
فضلنا مراقبين كل حركة بتدور فى المعسكر من فوق كأننا معاهم .
لحد ماشوفناهم بينقلوا أيسر بره المعسكر فعرفنا أن كده أيسر وخدمته بره اللعبة وهيتلهوا فى أنهم يعالجوا أيسر وهسيبوا الحړب.
الأقتراح كان فى الأول خالص أننا نغتال أيسر بس كانت هتبقى مشكلة كبيرة بعد كده خاصة أن خدمة أيسر هتنضم للحرب علشان يتنقموا له زى ماحصل قبل كده مع الساحر الافريقى اللى قټله نصير يوم الوليمة ....
فقررنا نبعدهم عن الحړب ونلهيهم فى علاج أيسر واللى أكيد هيعرف يعالج نفسه بس بعد مانكون أحنا خلصنا على جوهر واللى معاه .
أول ما أيسر أتنقل بره المعسكر أتنقلنا للمرحلة التانية من الخطة وهى الحصار .
فضلنا فترة بنراوغ جوهر علشان يفضل فى القطب الشمالى كل شوية مارو يظهر فى مكان مختلف فى القطب ويرجع تانى فجوهر يبعت كتيبة تتعقب مارو يروحوا ويرجعوا فاضين .
فضلنا على كده لحد ما قدرنا نتواصل مع زيجا واللى
بلغنا بأهم معلومة فى المعسكر وهى الوقت اللى بينام فيه جوهر أو بمعنى اصح الساعتين اللى بينامهم طول اليوم علشان ده الوقت اللى هننفذ فيه .
زيجا أدانا الأشارة ...
وبدأنا خطة الحصار اللى قالتلنا عليها نوشة.
مارو حفر دايرة كبيرة حوالين الجبل والبحيرة اللى محاوطين معسكر الشياطين و دخل جوه الدايرة ورفع عصايته فى السما و أبطل السحر فى المنطقة كلها عدا سحر العصاية وطفى الڼار اللى مولعة بالسحر الأسود بتعزيمة بالعصاية فالدنيا بقت ضلمة كحل عليهم ...
مارو رجع الجبل تانى بسرعة وحط العصابة على قميصى وهو بيتمتم بتعزيمات عشان يسمح بسحر القميص أنه يشتغل فى المنطقة وقالى
جرب كدا .. ومتقلقوش لو مشتغلش
