روايه ميراث نور الفصل الخامس بقلم لينا بسيوني

متينه مغطيه جسمهم كله حتى راسهم متغطيه ومش باين منها غير عينهم .
قلت لعيلتى ان خدمة أيسر وصلت بالفعل ومحاوطنا بس طمنتهم ميقلقوش واننا معانا جيش بيدافع عننا .
قالولى باستغراب 
جيش !!
قلتلهم 
جيش من القرناء اللى تاهوا فى المتاهة خرجوا معانا وحاليا بيدفعوا عننا.
خدمة ايسر طاحت فى جيش القرناء واللى كانوا مش متجهزين باى وسيله دفاع ولا هجوم القرناء كانوا مش بيموتوا بس بيهربوا او يختفوا.

نصير نجح ان يقلع ياسين وفحص جسمه وقال وهو بيشاور تحت ظهره لامؤخذة 
اهو تعزيمة مكتوبة بمدد روحى من القطران والحبر الاسود مش هنعرف نتنقل طول ما هو وسطنا .
عينى كانت بتتنقل ما بين نصير والحړب اللى دايرة واللى تقريبا كانت بتتحسم لصالح خدمة أيسر .
ابويا قال 
واكيد مش هينفع نسيبه .
قلتلهم وانا متلهوج والخدمة بتقرب علينا 
واحد بس هيفضل مع الولد هنا وانا هاخد الباقى بعيد وانقلهم وبعد كدا هرجع بحاجة تمسح التعزيمة من على ظهر الولد.
نصير قال 
طب روحوا انتوا انا هفضل معاه.
اخدت العيله وجرينا بعيد عن ياسين وسط حراسة من القرناء.
نقلتهم بسرعة للشقه.
وصلنا الشقة فشوفت خالتى سندس قاعدة قلقانه واول ما شافتنا جريت علينا وضړبت نورا بالقفا وحضنتها
أتنقلت من الشقة ورجعت تانى لنصير وياسين وانا معايا مذيب عشان امسح التعزيمة .
لقيت القرناء اغلبيتهم هربوا و مفضلش منهم غير عدد قليل جدا وخدمة ايسر بتقرب من نصير وياسين .
مسحت بسرعة التعزيمة من على ظهر ياسين ونقلتهم معايا للشقة ...
نور 
مارو رجع ومعاه نصير وياسين الزوهرى.
اتجمعنا كلنا فافتكرت حاجة وقلت 
يا جماعة احنا نسينا زيجا اللى ايسر كشفوا هنسيبوا كدا بعد ما ساعدنا.
نصير قال 
لا طبعا مش اخلاقنا بس هنعمل ايه !
اتفاجئنا بمارو ارتجل واختفى.
بن القاف قال 
هو راح فين! .. هما عيالك وارثين التهور دا من مين !
نصير قاله 
مجبهوش من بره جدهم ناير نفس الصفيحة....
..
زيجا 
أيسر كان بيتابع اللى بيحصل فى الطبق بأهتمام شديد وأتفاجأ بأن عيلة نور خرجوا من المتاهة ومعاهم جيش من القرناء محاوطهم وبيحميهم من الشياطين اللى فى خدمته
روحى كانت بتتسحب منى جفونى كانت بتقفل على عينى ڠضب عنى بس قاومت علشان أشوف عيلة نور وهيا بتقاوم ومبتنهزمش.
فرحت وبان عليا فرحى لما شوفتهم فى بقعة الزيت بيقلعوا الطفل الزوهرى وبيكتشفوا خدعة أيسر.
بعدها شوفت مارو وهو بيجرى بيهم من غير نصير والطفل وأختفى بيهم ...
شوية ورجع مسح التعزيمة بسرعة وأختفى بنصير والطفل.
ضحكت بصوت ضعيف وبصيت لآيسر اللى أنهزم وخسر نص خدمته فى حرب مالهاش لازمة ..
أيسر بص عليا وانا مبتسم وقرب على القفص شدنى من شعرى وحاول يخرج رأسى من بين القضبان الضيقة بالعافية ....
صړخت بأعلى صوت عندى
فضل يشد نى من شعرى بقوة لحد مارأسى نفدت بين القضبان و أتزنقت بين الحديد القضبان وقالى پغضب 
مبسوط يابن الك... !!!
...صړخت باعلى صوت وحسيت ان رأسى بتترج من جوه.
زعق فى وشى وهو بيقول 
وحياة أمك الست هانم لأسففك تراب الأرض وأخليك تحفر قبورهم بأيدك بعد ماتشوفهم بعينك وانا بقطعهم .
شاط وشى برجله تانى فشوفت 3 ضروس وهما بيتنطروا من بوقى اللى ساح فى دمه بعدها عقلى فصل و جسمى فصل هو كمان وغيبت عن الوعى .
فوقت ومعرفتش الوقت اللى غيبته عن الوعى أد ايه الجو كان حر جدا وكنت حاسس ان جسمى غرقان فى عرقه.
فتحت عينى و بصيت حواليا لاقيتنى نايم على سرير جوه القفص نايم بهدومى الداخلية وأيدى ورجلى متكتفين بكلابشات فى السرير !! كل جسمى كان متثبت فى السرير ما
ماعدا رقبتى .
لفيت بعينى فى المكان اللى موجود فيه فلاقيتنى فى أوضة جدرانها بيضا ومكتوب عليها بالقطران تعزيمات بلغة شبية باللغة الفرعونية.
وأنا بلف بعينى أتفاجات بمحلول لونه أسود متعلق جنبى تتبعت خرطومه بعينى ولاقيت أبرته رأشقة فى عرق من عروق أيدى بصيت على عروقى لاقيتها كلها سودا!!!
أيسر بيعمل عليا التجربة !!!
حاولت اتحرك بس ماقدرتش كنت متثبت فى السرير صړخت بصوت عالى حاولت أهز نفسى فشلت ..
أيسر دخل عليا الاوضة هو وجوهر.
جوهر قرب عليا وبص عليا من بره القفص وقال لآيسر 
تفتكر هيصمد !!
قاله 
الواد زيجا حظه ڼار فى الحاجات دى تقدر تقولى كده حاجة وارثها عن أمه الست هانم وابوه..
قطع كلامه وقال 
أها صح يازيجا نسيت اقولك أنا أعرف أبوك وأمك وأنا اللى قټلتهم ورميتك فى الملجأ وكنت واثق انك هتهرب منه أصل العرق يمد لسابع جد لحد ماقررت انى اجيبك تعيش معايا كنت فاكر انك غير أهلك بس طلعت زيهم غدار وخاېن بس يله أنا قلبى طيب وبسامح و...
أنفعات وقطعت كلامه صړخت پغضب وأنا بشتمه.
اتفاجات بيه بيقول لجوهر 
الڠضب محفز كويس علشان نسرع من أثر التجربة ضغط دمه هيرتفع فالسائل هينتشر فى