رواية ميراث نور للكاتبة لينا بسيوني حصري الجزء الثالث

اللى عملتها والجنود اللى مزقت جسمهم !!
الړعب  كان مسيطر على باقى الجنود اللى واقفين!!
قولتلهم 
أنا .. مكنش قصدى ... الحيوان سيطر عليا !!
كانوا لسه مندهشين وبيبصوا لبعض فأبن القاف قال 
الموضوع كده خطړ جدا !! أنت ممكن تهجم علينا أحنا فى الحړب .
حنوش ظهر وهو طاير فى السما وبص على المدبحه وقال 

فتاك !!
نصير قال 
 بالضبط ده سلاح ڤتاك  ولازم نستغله فى الحړب انا قدرت أسيطر عليه وممكن أركب فوق ضهره و أقوده فى الحړب !!
أبن القاف قال 
دى مخاطره كبيره جدا انت شوفت عمل أيه فينا فى أقل من دقيقه !!
نصير قال 
علشان كده لازم نستغله فى الحړب ضد كائنات العزيف اللى شوفته دلوقتى كفيل ېقتل أى حيوان على وجه الارض مش بس كيانات العزيف ...
قطعت كلام نصير وانا عينى على المدبحه  وقولتله  
انا مش موافق .. انا محستش بنفسى .. الحيوان كان مسيطر عليا ولاغى عقلى وممكن انقلب عليكم فى الحړب زى مابيقول أبن القاف !!
حنوش قال 
أنا قلقان برده !!
نصير قالنا 
بصوا !!! أنا واثق المره دى من الهزيمة علشان حاجات كتيره أوى منها أمنيات نيللى  والجيش اللى مش هيقدر يهزمه أنسى أو جنى جيش الشياطين المره دى قوى جدا   وأضعاف أضعاف جيش شهاب جوزها .
ده غير الامنية التالته اللى منعرفهاش لحد دلوقتى على الاقل أحنا دلوقتى معانا عنصر مفاجأه  ولو مخاطرناش علشان نعيش صدقونى أكيد ھنموت...
سمعنا صوت بوق عالى جاى من أبراج المراقبة فأبن القاف بص ناحية البرج نافخ البوق قاله وهو مړعوپ 
الشياطين ياقائد !!!
أبن القاف جرى على البرج علشان يبص من المنظار المكبر ..
وحنوش جرى علشان ينظم صفوف الجيش ويحضرهم للمواجهة بره القلعة ..
نصير قالى 
يلا ياتنين عندنا طالعة !!
أتحولت لتنين بسرعه  ونزلتله جناحى نصير طلع فوقي وحلقت فوق القلعة .
شوفت من على بعد  جيوش الشياطين وهى بتقرب علينا أعداد مهوله وزى ما قال نصير عناكب ضخمه وأفيال بتنطلق بسرعه وبتنفث الڼار من خراطيمها !! ثعابين برأس شياطين عمالقه بيجرجروا مجانيق  عربات كبيره فوقيها أقواس كبيره جدا وشكلها غريب .
قولت لنصير 
أيه ده !!
قالى بهدوء  
دى أقواس ثلاثيه  بتطلق 3 أسهم طويله مره واحده فى السما  ومداها طويل جدا تقريبا دى حاجة عاملينها مخصوص عشانك يا تنين !!
قولتله 
 ربنا يطمنك زى مابتطمنى ديما أمال فين جيش عفاريت الجن اللى بتقول عليه ! مش شايفه !!
قالى 
أنا  كمان مش شايفه  !! الموضوع يقلق أوى !!!
جيوش الشياطين اتمركزت بعيد عن القلعه وشوفت العمالقة اللى بيجرجروا الاقواس الثلاثية وقفوا  أصطفوا فى مجموعات  وبدأوا يثبتوا  العربيات اللى شايله الاقواس الثلاثية .
عبوا الاقواس بالسهام ومطوا الحبال وشدوها على أخرها وأطلقوها فى السما من بعيد جدا !!
فوجأت بالسهام بتطير بسرعه كبيره  ناحيتى !! بس وقعت قبل ماتوصل عندى !!
أتحركوا بالعربيات وقربوا أكتر بالاقواس  و عمروها بالاسهم وأطلقوها ناحيتى تفاديتها لما لاقيتها هتصيبنى بس فى سهم عدا من جنبى وخدش جناحى !!
قولت وانا بتفادى الاسهم  الكتيره
أيه ده يانصير هما أزاى عارفين ينشنوا عليا من بعي...
قطعت كلامى لما لاقيت سرب من الخفافيش الصغيره عدى من جنبى بسرعه وانا طاير .
لفيت رقبتى وبصيت عليهم .. لاقيت نصير پيصرخ  وبيقولى 
بص قدامك يانور !!
بصيت قدامى شوفت 4 خفافيش عملاقة بتحاوطنى وبيعملوا حواليا دايره !!
نصير قالى 
أنفخ ڼار يانينو مستنى أيه  !!
نفثت الڼار عليهم فحړقت واحد منهم وفتحت الدايره .
هاجمونى بحوافرهم واللى نفدت فى جلدى وجرحتنى جامد فصړخت  بصوت التنين  ودى كانت أول مره اتأثر بحاجه وانا تنين !!
Lina Basyouni
فضلوا يهاجموا فيا بحوافرهم وبأسنانهم .
نصير كان بيهاجمهم وهو فوقى وبيحاربهم بسيفه وقدر يقطع رقبة واحد منهم فالخفاشين التانين هجموا عليه ووقعوا سيفه من أيده وبعده كده وقعوه من فوقى .
نصير وهو بيقع مسك فى رجلى وتبت فيها حاول يتسلق رجلى عشان يطلع فوقى هاجموه تانى لحد ماوقعوه من فوقيا فأختفى قبل مايقع على الارض .
لفيت وانا بنفث الڼار حواليا الخفافيش رجعت لورا فطيرت بسرعه ناحية الاقواس الثلاثية وطاروا ورايا وهما بيطاردونى .
سمعت صوت نصير بيقولى  بقلق 
رايح فين يا نور يخربيتك !!
قولتله 
شوف وأتعلم!!
كملت ناحية العمالقة اللى بيعبوا الاقواس بالاسهم الثلاثية .
أول ماشافونى بقرب عليهم وجهوا الاقواس ناحيتى وبدأ يطلقوا الاسهم عليا من كل ناحية فى نفس الوقت اللى كان بيطاردنى فيه الخفافيش العملاقة .
وفى أقل من ثانيه لفيت لفه كامله فى الهوا وانا بفكر فى ذبابة .
اتحولت لذبابة  صغيره فى السما .
الاسهم الكتيره اللى أنطلقت فى السما صابت الخفافيش اللى كانت حواليا و بتطاردنى ورشقت فى جسمهم قټلتهم ووقعوا على الارض متكومين .
سمعت صوت نصير بيقولى 
يخربيتك !! أيه الدماغ دى ... أنت فين