رواية ميراث نور للكاتبة لينا بسيوني حصري الجزء الثالث
انت في الصفحة 27 من 27 صفحات
أتفاجئنا معاه بسرعة الكوره اللى شاطها مارو!!!
الكورة دخلت جون نصير بعد مانط ناحيتها ومالحقش يمسكها !!
فدخلت جوه الشبكة معلنا عن أول هدف .
هللنا وقولنا
جوووون!!!
وحضنا بعض انا ونوشة ومارو.
حنوش راح أتخانق مع نصير .. فنصير قاله وهو ماسك الكوره
أصدها أزاى دى !!!... بذمتك أنت شوفت الكوره !
وسنطر مع أبن القاف ..
أبن القاف خد الكوره فهجمت عليه بميسي فرقصنى برده !!!
هجمت عليه نوشة فرقصها هى كمان وجرى على الجون أنفراد.
حنوش كان بيقوله
باصى يأبن القاف !!
أبن القاف تجاهل حنوش و خد الكوره وجرى بيها ناحية جون مارو.
حنوش كان بيشد فى شعره و هوبيقول لابن القاف
باصى يابن القاف انا لوحدى أهوه !!
أبن القاف تجاهل حنوش برده وشاط الكوره بعزم مافيه فى أتجاه مارو ..
حنوش أتعصب وقال لابن القاف
أبقى باصى ياعم ماتبقاش أنانى !!
مارو مارضاش يشوط الكورة المره دى وباصاها لنوشة واللى باصتهالى على طول من لمسه واحده .
ھجم عليا أبن القاف فعديته المره دى وباصيت الكوره لنوشة واللى عدت من بين رجل حنوش بالكورة وباصتهالى تانى بسرعه..
فدخلت فى الشبكة
جبنا الجون التانى
شيلت نوشة وجريت بيها فى الملعب ناحية مارو !!
حنوش كان متعصب جدا على أبن القاف ونصير وقالهم
ماتصحصوا ياجدعان !!! دول بيقسموا علينا !!
حنوش راح جاب الكوره من الشبكة وقال
وأتشكل على شكل محمد صلاح !! حط رجله على الكوره وقال
الامل فيك يامو صلاح !!
باص الكورة لابن القاف واللى رقصنى ميسى للمرة التالته!!! و رجع باصاها لحنوش مو صلاح !!
حنوش رقص نوشة و جرى أنفرد بالكوره ولسه هيشوط فى جون مارو ...
هجمت عليه فى ال 18 ووقعته على أرضية الملعب
ضړبة جزاء !!.... ضړبة جزاء !!
أتفاجئ بسندس بتجرى عليا وانا على الارض وبتقولى
أنت كويس ياسيدى !!
وبصت لحنوش وطلعت كارت أصفر وهيا بتصفر وبتقول
أنذار يافخر العرب !!
حنوش قالها بأستنكار
أنذار أيه ياوليه !!!... ده هو اللى ھجم عليا ... المفروض دى ضړبة جزاء .
سندس قالتله
كلمة تانية وهطلع الكارت الأحمر!!
نصير وأبن القاف أعترضوا .. بس سندس كانت مصره انها
فاول على حنوش !!
فضلوا يضغطوا عليها فقالتلى
أيه رأيك ياسيدى !!
قولتلها
الصراحة ضړبت جزاء علينا !!
فقالت
علشان خاطر سيدى بس هحسبها ضړبة جزاء .
الفريق التانى فرح وهلل ..
نصير وأبن القاف كانوا بيتخانقوا مع بعض على اللى يشوط ضړبة الجزاء ..
حنوش قالهم وهو بياخد الكورة
أوعى ياعم منك ليه !! فيه حد فيكم بقوة عفريت الجن وهو متشكل محمد صلاح !!
هز رأسهم بالنفى فقالهم
يبقى أنا اللى أشوط الكورة ... وسع كده.
حط الكورة على أرضية الملعب وحضر نفسه أنه يشوط
رجع لورا وهو بيقول بصوت عالى لمارو اللى بيستعد أن يصد الكورة
خد بالك ... دى كورة هتبقى زلازال .. أبعد عن الجون أحسن تعورك .. أدينى قولتلك أهوه
حنوش جرى شاط الكورة بعزم مافيه .. ماشوفناش الكوره من سرعتها
بس شوفنا مارو وهو بينط فى الهوا ناحية المقص وضړب الكورة بقبضة أيده صدها فخرجت بره الجون وبره الملعب وتقريبا بره الكوكب كله !!!
الكورة طارت فوق فى السما ومرجعتش تانى !!!
سندس أعلنت نهاية المباراة علشان المحشى اللى عملاه مايبردش !!!
حنوش محمد صلاح كان فاتح بوقه ومذهول ..
أبن القاف ونصير كانوا لسه بيبصوا فى السما وبيدوروا على الكوره !!
وانا كنت ببص على مارو وانا فرحان بأبنى البغل !!
