رواية ميراث نور للكاتبة لينا بسيوني حصري الجزء الثاني
!!
علشان فى كلا الحالات ھنموت يانينو !!
Lina Basyouni
بدأ القتال اتقدم رماة الاسهم النبالة من جيوش الشياطين ومطوا أقواسهم واطلقوا اسهم طويلة فى السما فسقطت على جيش بن القاف !!
جيش أبن القاف تصدى لسهام الشياطين بالدروع وهما واقفين فى مكانهم وثابتين .
تقدم صف رماة الاسهم فى جيش أبن القاف و غطسوا اسهمهم فى جرادل فيها سائل لونه غريب .
أيه ده !!
قالى
السائل ده زى البنزين بس بيولع من غير ڼار مقرأى عليه تعزيمات وأيات لابطال السحر ولحړق الشياطين !!
Lina Basyouni
الرماة مطوا أقواسهم واطلقوا سهامهم المقرى عليها فى السما فسقطت على جيوش الشياطين واللى حاولوا يتصدوا ليها بدروعهم بس السهام كانت بتخترق دروعهم وټحرقها وتحرقهم .
النصر لله ... النصر لله .
بصيت على أبن القاف اللى تمتم بكلمات على سيفه بعدها السيف نور بنور ابيض ساطع وهز لجام حصانه الاسود فأنطلق بيه فى اتجاه جيوش الشياطين وأنطلق وراه جيشه اللى كان متناغم جدا ومنظم وبينطلق بتشكيله اللى زى السهم فى أتجاه الشياطين لحد ما أشتبك الجيشين ببعض وأخترق جيش بن القاف جيوش الشياطين .
واللى كانت ضربه واحده منه بتحصد أرواح المئات منهم بعد ما تحرقهم
كان منطلق بحصانه وبيخترق صفوفهم وبيقاتل بشجاعه هو وكل الجن اللى معاه بس عدد الشياطين كان كتير جدا .
كان قصاد كل محارب من جيش ابن القاف الالاف من الشياطين !! واللى كانوا بيتكاتروا على جنود بن القاف لحد ما يوقعوهم ويمزقوا اجسامهم .
كنت ههبط على أرض المعركه علشان أنقذه لكن سمعت صوت نصير بيقولى
أوعى يا نور !!! ماتنزلش الا لما أقولك!!
قولتله
أزاى يانصير !! دول أتكاتروا عليه و..
نصير قطع كلامى وقالى
أصبر وبص كويس.
بصيت تانى على أرض المعركه لاقيت الشياطين بتتنفض من فوقيه وظهر ابن القاف بس مش بهيئته كابنى آدم !!
ھجم على الشياطين اللى حواليه ومزق أجسادهم فيه منهم اللى أترعب منه وجرى بعيد .
قولت لنصير
أيه ده هو بيتحول زيي !!!
قالى
لا مش زيك ... بيتحول لذئب بس !!
أكتر حيوان بېخاف منه الجن والشياطين السيف اللى معاه دا سلاح مهم فى الحړب زى القميص بالضبط .
جيوش الشياطين كانت مابتخلصش وكان محاوطين جيش أبن القاف من كل ناحيه وفوجئنا بشبكه كبيره بتترمى على الذئب ابن القاف وبتثبته فى أرض المعركه .
الذئب كان بيحاول يخرج بره الشبكه بس الشياطين اتكاتروا عليه وثبتوا الشبكه بأوتاد فى الارض !!!
جيش بن القاف حاولوا ينقذوا قائدهم بس مكانوش عارفين يوصلوا للشبكه من كتر الشياطين اللى بتتدفق وبتتكاتر عليهم من كل ناحيه .
الشياطين كانوا عاملين زى النمل اللى متكاتر على قطعة سكر !!
كانوا مغطيين جيش ابن القاف كله لدرجة ان الجيش كله أتردم ومبقتش شايف غير الشياطين بس !!!
Lina Basyouni
نصير قالى
دلوقتى يا نور !! أنزل !!
خدت نفس عميق وكتمته و ضميت جناحاتى على بعضها وهبطت على ارض المعركة بسرعه زى ما بيهبط الصقر على فريسته .
نفثت الڼار من حلقى على كل الشياطين اللى محاوطين جيش ابن القاف وفضلت أحرق فيهم ڼار التنين كانت بتنسفهم وبتحرقهم زى الحشرات .
لحد ماظهر جيش أبن القاف تانى و شافونى وانا بحړق الشياطين اللى كانت متراكمه فوقيهم وبدوب جلدهم
فصرخوا بحماس وكملوا قتال فى الشياطين ببساله .
حړقت كل الشياطين اللى كانوا فوق الشبكه و متكاترين على الذئب وحړقت الشبكه وحررته .
بعدها أنطلق وهو بيلتهم في الشياطين !!!
سمعت نصير بيقولى
حلق فوقيهم وأنفخ الڼار من بوقك بس ا حجزهم فى دواير ڼار يا نور وولعها زى جهنم !!
Lina Basyouni
نفثت الڼار من حلقى وفضلت أحرق فيهم وحاوطتهم بدواير الڼار من كل حته لحد ما فتت جيوشهم وبقى كل مجموعه منهم متحاوطه بدايرة ڼار ومحبوسين فيها .
عفاريت الجن و اللى بيقودهم حنوش كانوا بينطوا فى دواير الڼار اللى حاوطت بيها الشياطين ويخلصوا على كل الشياطين اللى فيها فى غمضة عين !!
حنوش كان بيتنطط بين دواير الڼار اللى محاصره الشياطين زى النحلة اللى بتتنقل بين الزهور وفى رمشة عين كنت بلاقي الشياطين اللى فى الدايره متقطعين قطع !!!!
حاولوا يرموا عليا سهام ورماح وانا بعمل دواير الڼار اللى بحاوطهم بيها بس مكانتش بتأثر فيا .
بدأت أشوف الخۏف والړعب فى صفوفهم وبدأوا يجروا بعيد وفيه منهم اللى أختفوا تماما و بدأوا يتقهقروا وينسحبوا اللى أتبقوا من جيشهم هربوا فى الصحرا !!!
Lina basyouni
شوفت ابن القاف وهو بيرجع بنى أدم تانى وبيرفع سيفه وهو بيقول
النصر للخالق... النصر
