رواية وردتي السوداء بقلم سمية عامر
خلاص خلاص دخل الممرضة تخيط
يوسف و بعدين
ناخده من خالتك ام ماجد و خلاص
جريت الممرضة تخيط للدكتور اللي كان پينزف بشكل كبير و فقد وعيه
قلع عبدالملك الجوانتي و رماة و بص لام ماجد معرفش في ايه الناس مبقتش تستحمل
في وسط ما بيتكلم رن تليفونة
سحر تعالى بسرعة نور خرج من العمليات
اتخض عبدالملك و قام بسرعة وهو بيشاور ليوسف يربطهم و خرج هو ركب العربية و راح المستشفى
عبدالملك حصل ايه
محدش رد عليه لحد ما قرب هو و لمس رجلة لقاها موجودة قعد جنبة و فضل يعيط و يقول الحمدلله
سحر نيرة يلا يا حبيبتي نجيب حاجه حلوة
خدتها و خرجت عشان تسيب عبدالملك و نورين سوا
بصلها بحزن و فرحة في نفس الوقت و قام حضنها سامحيني بس انا مكنش ليا يد في كل ده
محدش كان ليه يد المهم دلوقتي ولادنا
بعد عنها و مسك وشها بايده و احنا مش هنرجع عيلة يا نورين مش كفاية كده
بقى بيننا الف حاجز أخرهم كذبك عليا في موضوع جوازك
ارجوك مش وقتة
سابته و رجعت قعدت مكانها و مسكت ايد ابنها
عدى اسبوعين
كان يوم رجعوهم للبيت و قرر عبدالملك أنه يرجعهم لبيت العيلة عشان يخلوا بالهم منهم
كان عبدالملك شايل نور الدين اهو يا عم شايلك كمان احنا عايزين ننول الرضا بس
ضحك نور و باس أبوه نزل الرضا من ماما الاول دي بتحبك
نيرة وهي بتخبط على وشها بايديها في ايه يا مامي بس الراجل بيحبك
نورين نيرة قولت ايه
يوه بقى خلاص خلاص
خدت نيرة و طلعو فوق و هو طلع وراها ب نور اللي نزله على سريرة بعد ما غير ديكور الاوضه خلى فيها سريرين بدل واحد
عبدالملك بصوت عالي انا خارج !! انا هخررررج
ضحكت نورين و بصتله اتفضل
اتفضل ادخل
لا اتفضل
اخرج عايزين نغير
خرج و سابهم لوحدهم وهو بيتأفف
غيرت نورين لبسها و لبست بنطلون و تيشيرت و سحر طلعت الاكل لحد عندها هي و عيالها و اكلت معاهم وسط ضحك و هزار و نام نور الدين و نيرة
نزلت سحر و نزلت نورين معاها عشان تنزل الاكل و استأذنت منها تقعد في الجنينة
الو
بنتي وحشتيني
مش كفاية بقى يا امي اسبوع و انتي بتتصلي مش كفايه
ايه العيب اني اتصل ببنتي
انا و انتي عارفين انك مش متصلة عشاني متصلة عشان اختك تسامحك انك كنتي هتسرقيها و انك عايزة ترجعيلها تاني
انتي قليلة الادب بتتكلمي مع امك بطريقة وقحة
امي بعد اذنك ابعدي عني كفاية أن عبدالملك مأخدش تجاهك أي إجراء قانوني
قفلت صفاء في وشها و اتعصبت نورين و كانت هتقوم بس قعدت تاني اول ما سمعت صوته لو عايزاها ترجع خليها ترجع دي امك
لا ده مش قراري ده قرارك انت و أهلك المال مالكم و البيت بيتكم
فضل باصص لها شوية و ابتسم انا متجوزتش زي ما انتي فاهمة
اتوترت و بصتله نعم انا مالي متكلمنيش
جاب كرسي و قعد قريب منها و فضل باصص في عيونها انا عارف انك عايزة تعرفي عيونك ماليها الغيرة لانك بتحبيني انا اتجوزت بنت عمي فعلا بس على الورق بس قبل فرحنا بيومين عرفت انها كانت على علاقة بغيري و عشان استر عليها لأنها طبعا شرفها من شرفنا فضل مكتوب كتابنا و قولنا لكل الناس أن الجواز تم من غير فرح لحد ما كملنا ٦ شهور و طلقتها
برقت نورين و بعدين
ابتسم ولا قبلين طلقتها قبل حتى ما تدخل بيتي
فرحت نورين و نبضات قلبها عليا بس حاولت متبينش بس انت كدبت عليا
ما خلاص بقى بقولك ملمستش حد غيرك ولا عايزاني اتهور يعني
ضحكت و خدودها احمرت و قامت وقفت اتهور احنا لسا متخاصمين
يعني اعملك ايه اخلص منك يعني
قربت منه و همستله ما تجرب تجيبلي ورد كده
شدها من ايديها عليه قبل ما تبعد و همسلها هو طب ما نتجوز و اجيبلك ورد و جرجير و نعناع
اتكسفت من كلامة لا جيب ورد الاول
جريت و سابته وهي مبسوطة و حاسه ان الدنيا مش سايعاها
دخلت اوضتها و باست نيرة و نورالدين و قعدت في البلكونة تبص عليه وهو واقف بيتكلم في التليفون و مبسوط
ابتسمت و قامت غيرت لبست فستان و حجاب و نزلت قعدت مع خالتها
سحر بحزن يا بنتي انا على عيني تبعدي عننا ارجعي بقى لعبد الملك ده بيحبك و بيتمنالك الرضا ترضي
ابتسمت و مسكت ايد خالتها خالتو انا اسفة على كل التعب اللي تعبتهولك ده انتي تعبتي معانا اوي الفترة دي
سحر لا يا بنتي انا مكنتش تعبانة على اد ما زعلت على الحالة اللي انتو فيها بسبب واحده عديمة ضمير
ضمت نورين حواجبها هي مين انا كل ما اسال عبدالملك ميردش عليا
سحر معرفش بس انا سمعته مرة بيكلم يوسف بيقوله موضوع ام ماجد لازم ينتهي معرفش دي هي ولا لا
برقت نورين ام ماجد
قامت تجري من مكانها خرجت برا كان بيتكلم في التليفون ايه دخل ام ماجد في اللي حصل و هي دي اللي في بالي
قفل التليفون و بصلها مين قالك
يوسف !
نورين بعصبية انت ازاي مقولتليش وهي ليه عملت كده و انت عملت فيها ايه
مسك عبدالملك ايديها بلاش ترهقي نفسك عشان چرحك
شدت ايديها و اتعصبت رد عليا !!
أيوة هي اللي في بالك و هي اللي كانت هتبقى سبب ان ابننا يفقد رجلة
كل ده ليه قولي اكيد هي اتكلمت
كل ده عشان ابنها اڼتحر ابن أمة اڼتحر افتكرتني قټلته و حبت ټنتقم
برقت نورين و كانت عايزة ټعيط بس منعت نفسها بالعافية ان الدموع تتكون في عيونها مهما كان ده كان اول حب حتى لو كانت لسا مراهقة
عبدالملك بعصبية سكتتي ليه افتكرتي ايامك معاه ولا نسيتي اللي عملته في عيالنا
سابته نورين واقف مكانة و جريت على برا لحد ما تخطت البوابة و فضلت تجري وهي بټعيط و جسمها بيقشعر و جرحها بيشد عليها بس ده كله مفرقش معاها ووقعت على الأرض حطت ايديها على وشها و عيطت بكل ما فيها
عبدالملك من وراها بتحبية لسا كل ده و انتي شيلاله مشاعر في قلبك
قامت من مكانها و حضنته و عيطت اكتر انا بحبك انت بس هو كان شخص طيب ماټ بسببي انا السبب في مۏته
حضنها باس راسها كفاية عياط انتي ملكيش ذنب هو نصيبة كده
هديت شويه و بعدت عنه و أمة عملت معاها ايه
عملت معاها اللي عملته مع ابني و هسلمها للشرطة
حضنته تاني و غمضت عيونها خليني اقابلها ارجوك
لا مستحيل انتي تعبانة و
بصتله بعيون حزينة ارجوك انا لازم اشوفها
عدى يوم و صحيت نورين الصبح عيونها منفوخة من الدموع
غسلت وشها و لبست بنطلون و تيشرت و باست عيالها و سابتهم نايمين و خرجت
كان عبدالملك مستنيها في العربية
ركبت معاه و طول الطريق مفيش كلام بينهم
مسك ايديها اول ما وصلو و قبل ما ينزلو متأكدة انك عايزة تشوفيها
اه
لو حسيتي بالخۏف قوليلي نمشي
ابتسمت و ضغطت على أيده حاضر
نزلو سوا و دخلت نورين و اټصدمت من المنظر الدكتور جوا مربوط و ام ماجد مربوطة و جنبها ممرضة
الممرضة الحمدلله انك جيت دي حالتها خطېرة اوي لازم مستشفى
عبدالملك انتي دورك انتهى تقدري تاخدي باقي فلوسك و تمشي
نورين بحزن لازم مستشفى اتصل بالمستشفى
صحيت ام ماجد على صوت نورين و بصتلها بكل ڠضب انتي مكانك جهنم انتي وهو و عيالكم
نورين انا مليش ذنب في مۏت ابنك
ام ماجد كل الذنب عليكي لآخر يوم في عمرة كنتي بتكلمية و وعدتيه تسيبي جوزك و تتجوزية عشمتية بيكي و في الاخر سافرتي و سبتيه يعني انتي كنتي حامل من جوزك و بتكلمي ابني يا
برقت نورين انتي بتقولي ايه
عبدالملك الوليه دي بتقول ايه
ضحكت ام ماجد انا في اخر ساعات ليا و بمۏت هكذب ليه مثلي عليه اكتر يمكن يصدقك
فضلت نورين بصاله بس هو فاجئها برد فعلة و أخدها في حضنة و بص لام ماجد انا متاكد ان عمرها ما تعمل كده لأنها بتحبني
ام ماجد بكره هتشوف لما تلاقيها مع غيرك في السرير
اتعصب و كان هيضربها بس نورين مسكته
وصلت عربية الإسعاف و البوليس بعد ما
بلغ يوسف بكل حاجه و سمعهم تسجيلات الاعتراف بتاعت الدكتور و ام ماجد
فضلت نورين تبص عليهم وهما في البوكس و بصت لعبد الملك الحمدلله كل الۏجع راح
باس راسها و ابتسم طول ما احنا سوا مش هيبقى في ۏجع
ابتسمت و حضنته طب مش يلا نتجوز بقى
بعد عبدالملك عنها سيبيني افكر كده
ضړبته على كتفة نعم خلاص مش عايزة
مشيت و سابته بيجري وراها استني كنت بهزر يا مچنونة طب يا ام العيال يا بطاية
عدى شهر و لبست نورين فستان ابيض ستان بسيط و نزلت وهي حوليها عيالها و كان ابوها جه و كتبو الكتاب من جديد وسط زغاريط سحر و مرات يوسف
قرب عبدالملك منها وهو باصص في عيونها عمري ما هطلقك تاني ابدا ايه كل الحلاوة دي ها ها
بس بقى بتكسف
ضحك و حضنها و همسلها بتتكسفي ايه هو احنا لسا عملنا حاجه
فاق من الرومانسية دي على صوت مرات يوسف وهي بتصوت اااااااه الحقووووني انا بولللللد
بعد عبدالملك عنها ايه احنا هنهزر ولا ايه ما تشوف مراتك يا عم !!
نورين عبدالملك بس بس اتصل بالاسعاف بسرعة لازم نروح المستشفى
إسعاف ايه انتي ملكيش دعوة اطلعي استنيني فوق
مرات يوسف مسكت فيها الحقيني يا نوررررررين مش قااااادرة
شالها يوسف و طلع يجري بيها و سحر وراهم
نيرة لابوها يا عم اجري وراهم اعمل حاجه
عبدالملك بنظرات حزينة ما انا كنت هعمل حاااااجه
نور الدين كل الرجالة كده مفيش فايدة كسفتنا
بس يا حبيبي انت و اختك انتو مش فاهمين حاجه
ضحك ايمن على عيال اخوه و خدهم يلعبو معاه
خرج عبدالملك وراهم و ركب العربية وصل بيهم للمستشفى
نزل يوسف و هو شايل مراته و نورين نزلت اخر واحده
مسكها عبدالملك اركبي اركبي بسرعة
ضحكت على طريقته انت بتعمل ايه مرات اخوك بتولد
و اااااحنا ماااالنا بس انتي قولتي اهو مرات اخوك
مسكت أيده و شدته وراها تعالى بس الله يسترك ڤضحتنا
دخلو جوا و فضل يوسف واقف قلقان
عبدالملك يابني انت قلقان ليه هتطلع بالسلامة
