روايه كبرياء ابنة الخادمة الفصل الاول
على حلا اخته هتحل المصېبه دي ازاي
_ ما حلا فعلا اخته في الرضاعه
_ عايزه افهم سبب اصرارك ان فاديه ترضع هنا طبيعي ما الصناعي كان موجود
_ انت نسيتي ان الصناعي كان ھيموت البنت والدكتور اللي قال لازم ترضع طبيعي وحضرتك رفضتي عشان جسمك ما يبظش كان في ايدي اعمل ايه
_ كنت جبت واحده مش معاها اولاد
_ طب هنعمل ايه في كلام سامح ما فكرتش فيه ليه
_ ما عرفتش غير لما فاديه قالت قدامي حتى لو كنت اعرف كان ايه الحل اللي عند جنابك
_ يوه هو الواحد ما يعرفش يتكلم معاك اتفضل تطلع دلوقتي تتكلم مع ابنك ينسى خالص ان حلا اخته يا اما همشيهم واجيب غيرهم
_ لا مش هيمشوا
برقت له رجع خطوتين لورا ورجع لعقله أيوة كدة العقل زينة وقال بهدوء
_ قصدي هنجيب غيرها هيبقى له اخوات غير حلا في الرضاعه كفايه علينا واحده
فكرت كده مع نفسها وقالت له
_ عندك حق المره دي
عدت الايام وكنت بقعد عند خالتي طول الاسبوع ويوم الاجازه بزور امي و الرضاعه شويه امي وشويه خالتي
هنا اختي كانت ضعيفه وكانت متعلقه بماما فقرروا بعد ما اتفطمت تفضل ماما الداده بتاعتها وده كان حل هايل اسعد بابا جدا
عدت سنين وداخله المدرسه ماما قدمت ورقي بس لازم شهاده وفاه للاب او طلاق رجعت لبابا
_ وبعدين في المشكله اللي ما فكرناش فيها انا مش هقدر اظهر واقدم لها ورقها في المدرسه
_ وفيها ايه
_ يا محمد بيه انا ما قصرتش معاك بقالي 10 سنين بس دي بنتي الوحيده مش عايزاها تطلع زيي جاهلة
_ والحل عندك حل
_ معارفك كثير يا اما تزور لنا شهاده وفاه
_ عايزه تموتيني وانا عايش وتبقى بنتي يتيمه
المرة دى الست نطقت بس يا ويلها
_ هي اصلا يتيمه وانت عايش هي تعرف انك ابوها حتى الحضن واللعب معاها بتعمله لانك البيه اللي بشتغل عنده مش بصفتك ابوها
_ نبره صوتك عليت وبقيتي كمان بتردي وايه كمان ناويه تعمليه
_ ابوس ايدك اعمل اللي تعمله بس بلاش تحرمها من التعليم كفايه محرومه تشيل اسمك و تترمي في حضنك وتقول لك يا بابا
الحج الحقيقه قلبه رق وحس فعلا ان عندها حق قال لها
_ خلاص هشوف حد يعمل الورقه بس ما
