رواية عوض الصابرين كامله بقلم رغده

عوض الصابرين 
بقلمي رغدة
انا شيرين وعندي دلوقت تلاتين سنه 
والنهاردة حققت هدفي ومسكت شهادتي بايدي وانا فخورة اوي بنفسي 
وعشان تعرفوا انا ليه اتاخرت اوي عشان اكمل دراستي فانا هقولكم حكايتي الي كانت مأساة بسبب بيت العيله والكدب والطمع الي كان فيه
ابويا اسمه مصطفى وامي اسمها وفاء 
ابويا كان نفسه يغير حياتنا وينقلنا نقله حلوة بدل الغلب الي كنا عايشين فيه 
ماما كانت رافضه سفر بابا وبعده عنها لكن جدتي وعمي شجعوه وفضلوا يزنوا فوق دماغه لحد ما سافر وسابني انا واخواتي وماما تحت رحمة الي مفيش بقلبهم رحمه

كانت ماما شايله بيت العيله كله لسنين طويله وخصوصا لما مرات عمي حملت واكتشفت ان الي فيها واد مش بنت اصل جدتي كانت كارهانا احنا وماما لاننا بنات وياما قالت ل بابا اتجوز لكن هو كان بيحب ماما اوي ومرضيش يزعلها
وبيوم صحيت على صوت خناقة بين ماما ومرات عمي نجلاء
نجلاء قلتلك انا مش هعمل حاجة 
وفاء ومش هتعملي ليه ان شاء الله 
نجلاء بدلال ماسخ عشان حامل واخاڤ يحصلي حاجة والواد ينزل 
وفاء ومن امتى الشغل بيعمل كده ما طول عمرنا بنحمل ونخلف وشايلين شغل البيت كله على دماغنا 
نجلاء لفت وشها ومشيت وقالت ايوه انما انا حامل بالواد مش بنت يا ام البنات
كانت ماما هنتكلم لكن وقفت قصادها وقلتلها
شيرين سيبك منها يا ماما وتعالي انا هساعدك 
وفاء لا انتي روحي كملي مذاكرتك وهي هتيجي ڠصب عنها 
شيرين يا ماما يا حبيبتي انتي عارفه لو قلتي حاجة كلهم هيكونوا ضدك وهتشيلي الليله كلها دي تحسيها عاملالهم عمل 
وفاء بارهاق اعمل ايه بس مهو البيت كبير والشغل كله انا وانتي الي بنعمله وانتي داخله على امتحانات والمفروض وقتك كله للمذاكره 
ضحكت وقلتلها ولا تشيلي هم يا ماما بنتك حوت وهشرفك وارفع راسك
فكريه من المطبخ انتي يا وفاء بتتنيلي بتعملي ايه 
ماما وهي بتمسح دموعها استغفر الله العظيم
سبقت ماما وقربت من جدتي وقلتلها صباح الفل يا تيتا 
فكريه صباح الهباب عليكي وعلى امك 
ابتسمت بوشها وانا من جوايا حزينه وزعلانه اوي
فكريه ل وفاء الي وقفت قدامها مستنيه الوصله المعتاده من التهزيق همي يا وليه وخلصي الاكل وخلي بنتك تنضف البيت 
وفاء شيرين مش هتعمل حاجة يا مرات عمي 
بصتلها تيتا فكريه بغل وزعقت فيها لهو انتي فاكرة اني باخد رايك همي يا بت روحي نضفي البيت وبصت ل ماما وكملت وابتدي ب أوضة عمك وشوفي مراته لو محتاجة حاجة
هنا ماما اتعصبت وزعقت لا بقا بنتي مش هتعمل حاجة ولو عاوزه تريحي ست الحسن مرات ابنك روحي انتي نضفيلها واشتغلي شغلها بدل قعدتك دي ولسانك الي مش راحمنا 
وفجاة دخل عمي وسمع كلام ماما وقام ضربها بالقلم 
ماما اتفاجئت وانا وقفت مكاني مصدومه مش عارفه اعمل ايه
علي مسمعش حسك ابدا في البيت ده يا وفاء 
بصتله ماما وهي مصدومه وقالت بتمد ايدك عليا يا علي 
علي وعلى الي يتشددلك كمان دايما كنت فاكرك في حالك حتى لما نجلاء كانت تشتكي من معاملتك وتطاولك عليها كنت اقول كهن حريم لكن توصل بيكي انك تزعقي لامي وكمان تقوليلها تروح تنضف 
هو انتي اټجننتي ولا اييييه
وفاء لا متجننتش وانا وبنتي مش خدامه لمراتك 
علي لا بقا انتي عاوزه الي يشكمك ويربيكي 
وفاء انا متربيه يا علي يا محترم والي مش متربي هو الي يمد ايده على مرات اخوه