رواية عوض الصابرين كامله بقلم رغده

هنا تيتا فكريه قامت ومسكت ماما من شعرها ولما حاولت تدافع عن نفسها لقيت عمي علي كمان بيضربها
لما شفتهم كده حاولت اقرب احوش بينهم لكن عمي
علي
زقني جامد وقعني عالارض ودماغي اتفتحت
ماما بقت تحاول تزحف وتقرب مني لكن الحقد كان مالي قلوبهم وفضلوا كده لحد ما تعبوا من الضړب
زحفت ماما ناحيتي وخدتني بحضنها وهي بټعيط
كانت نجلاء واقفه بتبص عالخناقه والسعاده هتنط من عنيهاواول ما خلصت الخڼاقه اتسحبت ورجعت لاوضتها
ومن اليوم ده في حاجة اتكسرت جوه ماما وبقت تتعامل ببرود غريب معاهم كلهم وتنفذ اي حاجة عاوزينها المهم محدش يعطلني عن مذاكرتي

وبليلة دخلت ماما عندي ومعاها كوباية الشاي المعتاده 
شرين تسلم ايدك يا ست الكل تعبتي نفسك ليه
وفاء بابتسامه ان مكونتش اتعبلك اتعب لمين بس 
شرين ماما هو بابا متصلش النهارده كمان 
وفاء بحزن لا والله يا بنتي حتى بتصل عليه مش بيرد وقلبي مش مطمن 
شرين امتى يرجع ونرتاح من الهم الي احنا فيه 
وفاء ربنا يرجعه لينا بالسلامه ياما قلتله بلاش سفر ونعيش زينا زي غيرنا وهو وسطنا لكن اقول ايه حسبي الله ونعم الوكيل باللي كان السبب
في اوضة علي ونجلاء بعد ما شربته كوباية الشاي المعتاده قعدت جنبه وابتدت تنسج خيوط مكرها وتنقله غلها كله بقا يرضيك يا ابو صلاح اقول للبت شيرين متخرجش عشان بقت انسه والعيون عليها تقولي ملكيش دعوه بيا
علي حط كوباية الشاي وقال شيرين قالتلك كده 
نجلاء بمسكنه ايوه ده انا قلت كده عشان مصلحتها دي مقضياها خروج ومش بترجع البيت الا مع المغربيه 
علي انتي بتقولي ايه وهي بتروح فين 
نجلاء وهي بتحسس عليه قال ايه بتروح الدرس درس ايه الي بالساعات ده 
علي ده انا هكسر رقبتها المفعوصه دي 
نجلاء وهي بتديه الكوبايه من تاني لالا اهدى كده انا عندي حل
علي حل ايه 
نجلاء بترقب الحل انها تتجوز 
علي تتجوز بس دي صغيره وبتدرس 
نجلاء صغيره ايه بس هو انت مش شايفها دي بقت اطول مني والي بسنها بيتجوزوا واهو انا اتجوزتك وانا بسنها تقريبا 
علي بتفكير ماختلفناش بس هتتجوز مين 
نجلاء بفرحة من الناحيه دي متشيلش هم عريسها عندي وجاهز مما جميعه 
علي ومين عريس الغفله ده 
نجلاء اخس عليك تقول على منصور عريس غفله 
علي باستغراب منصور مين 
نجلاء منصور اخويا 
وقف علي ومشي خطوتين وهو بيحك دماغه بس منصور متجوز 
نجلاء وهي دي حاجة تعيبه الراجل مايعيبوش الا جيبه ومنصور معاه على قلبه قد كده 
علي بس مظنش مصطفى يوافق
نجلاء هيوافق لما انت تقنعه وتفهمه ان بنته دايره على حل شعرها هي وامها
فضلت نجلاء توز بعقله وتستعمل كل حيالها الانثويه لحد ما قرر ان شيرين لازم تتجوز منصور
مصطفى كلام ايه ده الي بتقوله يا علي 
علي زي ما بقولك يا اخويا ومش هنستنى لما البنت تعمل العيبه و تحط راسنا بالطين 
مصطفى بس شيرين دي تربيتي ومتطلعش منها العيبه ابدا 
علي يا مصطفى يا حبيبي انت مسافر بقالك تلات سنين ومراتك ولا مؤاخذه منفضه لينا ولاي تدخل مننا ومفيش على لسانها الا انتو عايشين من خيري 
مصطفى پحده خيرها ده ايه بنت الكلب دي بقا انا هنا شقيان عشان اجيب قرشين وهي بتتنطط وتقول خيرها وكمان مش واخده بالها من البنت 
علي ومش بس كده دي كمان بترفع صوتها على امك وبتهزقها 
مصطفى وانت فين يا علي هي دي الامانه