رواية احتيال وغرام بقلم رحمة سيد
لنفسي إني بكرهه بس ده أبويا... هو اللي جابني على الدنيا دي أقوم انا اخدها منه! حتى لو اسوء شخص في الدنيا هطيعه زي ما ربنا أمرني وهو قادر يهديه عليا
تراقصت تلك الابتسامة الحانية التي يخصها بها وهو يربت على كتفها في حنو ويغمغم بفخر
هي دي ليال.. لو كنتي فكرتي في غير كده أصلا كنتي هتنزلي من نظري اللي مالهوش خير في أهله ملهوش خير في أي حاجة يا حبيبتي
عايزك بقا تحكيلي هي ازاي اتفقت معاكي اصلا وإيه اللي حصل اليوم اياه..
اومأت ليال موافقة برأسها ولكنها سألته اولا
عمو هو أنت كنت عارف إن يونس معملش فيا حاجة من البداية صح
ابتسم قاسم وهو يخبرها بصدق
مش بالظبط كان جوايا شعور بكده بس كان لازم أصدقك مكنش ينفع يبقى في احتمالية إني اكذبك واظلمك! خلينا في موضوعنا يلا احكيلي
قالتها ليال وقد تنهدت وهي تسترجع بذاكرتها ذاك اليوم الذي قلب القدر فيه صفحة من حياتها ليضعها على أولى سطور صفحة اخرى بحكاية اخرى.........
وقفت ليال في ذلك الكافيه الليلي الفخم الذي كانت تعمل به نادلة مرتدية زي عملها أمام
نشوى هانم الدسوقي في احدى اركان ذاك الملهى متخفيين بينما نشوى تقول متساءلة بصوت خفيض
عضت ليال على وهي تهز رأسها نافية بسرعة قبل أن ينالها سم تلك الأفعى
لأ يا هانم لأ مش هقدر إنتي عايزاني أدبس يونس بيه في ڤضيحة ده انا كده بجني على نفسي قبل ما يكون عليه!!
فسارعت الاخرى تهز رأسها نافية وهي تشرح لها بلؤم
ڤضيحة إيه مش عايزاكي تقلقي مش هتحصل ڤضيحة لأن باباه داخل انتخابات وبعدين دي مش ڤضيحة دي تقدري تسميها مساعدة.. انا مش موافقة على خطوبته هو وبنتي وعايزه أنقذ بنتي من الوحل اللي هترمي نفسها فيه وهي مش حاسه وإنتي بس هتساعديني هتخلي فيروز بنتي تقتنع إن اللي اسمه يونس ده خاېن عشان تبعد عنه نهائي!
وبعدين انتي مفكراني مش واخدة بالي من إعجابك الواضح اوي ب يونس...بيه!
قالت اخر كلمة ضاحكة بسخرية ليزداد توتر ليال التي إحتقن وجهها بالذهول والحرج بينما الاخرى تسعى لتحركها كبيدق لتكسب حربها ضد يونس وتفوز بأبنتها
انتي كمان هتستفادي على فكره أديني هفتحلك طريق عشان تتجوزي يونس بدل ما هو مش شايفك أصلا ومش هيشوفك طول ما فيروز في حياته! وكمان هاديكي قرشين حلوين تمشي بيهم امورك فترة مش قليلة بعد ما اكيد هتتطردي من الكافيه ده!
وما بين ذلك وذاك بخت نشوى أخر قطرة من سمها وكانت تلك القاضية حيث أردفت بمكر
فهربت الأجابة هربا من بين مخالب تلك الأنسانة الرافضة داخلها لتصدح
انا موافقة
فإتسعت ابتسامة الاخرى بنشوة الانتصار وهي تستطرد بحذر
طب اسمعيني بقا كويس اول حاجة في مرة لما يونس وفيروز يكونوا جايين على الكافيه انا هأخر فيروز شوية وهخليه يستناها هنا هتحطيله
حبوب هلوسة في القهوة بتاعته وبعدين جمال صاحبه هيجي يطلعه
الاوضه عشان محدش من أصحاب المكان يشك فيكي مع إننا هنراضيهم بقرشين عشان محدش يتدخل في الموضوع ده.. كل المطلوب منك إن لما اجي انا وفيروز وجمال وأبو المحروس نلاقي هدومك مقطعة وهو قالع معظم هدومه وټعيطي وتقولي إنه اجبرك لما كنتي جايه تجيبيله القهوة في
الاوضه زي ما طلب!!
وبالفعل خلال يومان وفي احدى المرات التي كان يونس بها يجلس في ذلك الكافيه منتظرا مجيء خطيبته فيروز كالعادة كان منتظرا قهوته فتقدمت ليال منه بتردد لتضع امامه القهوة التي وضعت بها حبوب هلوسة ثم غادرت بسرعة.....
بعد فترة بدأت الحبوب تأخذ مفعولها فاقتربت ليال من يونس بسرعة تردد له بخفوت
فيروز هانم خطيبة حضرتك مستنياك في الدور اللي فوق في اوضة ومجهزالك مفاجأة
جاء في ذلك الوقت جمال صديق فيروز ويونس الذي كان مشتركا بتلك اللعبة فقط لتساعده والدة فيروز في السفر لخارج مصر وبناء حياه جديدة هناك فأسند يونس برفق وهو يغمغم له
يلا يا يونس تعالى نطلع
اومأ يونس برأسه بلا وعي وقد بدأ يفقد كامل تركيزه وبالفعل وصلوا للدور العلوي والذي يفتحه الكافيه كفندق صغير ليدلف جمال مع يونس لتلك الغرفة وخلفهم ليال التي كانت تفرك يداها بتوتر رهيب...
ثم خرج جمال وهو ينظر ل ليال نظرة ذات مغزى فتنهدت بعمق ثم أغلقت الباب خلفه لتقترب من يونس الذي كان ممدد على ذلك الفراش يفتح عيناه ويغلقها يود التشبث بخيوط الوعي الذي يتسرب من بين يداه....
جلست على الفراش جواره تنظر له بصمت تام.. فتحت أزرار قميصه ببطء كان مصدره التردد لتستسلم لمشاعرها فتمددت جواره
وقد تخلت دقات قلبها اخيرا عن الألم الذي كان يصاحبها دوما بسبب ذلك العشق
أسفة يا يونس جايز أكون أنانية بس مش عارفة أطلعك من دماغي وأنساك أنا بعشقك لدرجة ماتتخيلهاش حتى فيروز دي مش بتحبك زيي ومش هقدر أستحمل إني اكمل حياتي مع حد غيرك.. انا اسفة.. سامحني
لتسمع همسه بصوت أجش
فيروز!
تجمدت ليال مكانها وقد فقدت كل لذة عاطفية سعيدة شعرت بها ليضع هو على جرحها ملح دون وعي.. ويتركها لشيطان العشق!!
فنهضت بآلية وقد فقدت اخر ذرة تردد ......
بعد ساعات.....
وبعد خروج فيروز باكية من الغرفة تتبعها والدتها وصړاخ يونس الذي زلزل المكان وهو يصيح پجنون
أنا ماعملتش كده يا فيروز صدقيني دي كدابة!!
ضړب والده بعصاه أرضا پعنف وهو يهدر فيه بانفعال قاس
خلاص خلص الكلام أنت قولت كل اللي عندك وهي مش مصدقاك ومحدش هيصدقك عشان إحنا شوفنا بعنينا محدش قالنا !!
إحمرت عينا يونس پغضب أهوج كألسنة النيران ه ليتحرك نحو ليال التي كانت تبكي ربما لإكمال تلك المسرحية... وربما تبكي ندمها وتسرعها !!
ليزمجر هو فيها بهيستيرية
يا بنت ال يا كدابة قوليلهم الحقيقة قوليلهم إني معملتش كده!!
ولكن بالطبع لم تنطق ليال بأي شيء..... والباقي معلوم....!!
عادت لواقعها على قاسم الذي صمت تماما جزء منه يبرر لها ضعفها أمام عشقها الوحيد والجزء الأخر يلطم تلك المبررات ارضا ويود لو يثور غاضبا بوجهها....!
ولكنه تنهد بعمق متمسكا بتعقله وحكمته كأب لأبنة حبيبته الوحيدة والتي تمنى فعليا أن يكون والدها.. ثم أردف بجدية
أسمعي يا ليال خلينا متفقين إني مضايق منك شوية ولولا إني متأكد إنم بتحبي يونس كنتي هتشوفي مني وش تاني وخلينا متفقين إن يونس عاجلا او اجلا هيعرف لكن لما يعرف لازم والدك يكون تحت عنينا حتى لو قعدناه في بيت هنا جمبنا في البلد والست دي تقطعي كل صلاتك بيها مش عايزك تتواصلي معاها تاني لا هي ولا بنتها
اومأت ليال برأسها موافقة
حاضر يا عمو زي ما تشوف
فربت قاسم على يدها بحنانه المعتاد الذي تعشقه منه وهو يردد
يلا بقا قومي شوفي الاكل عاوزين ناكل صوابعنا انهارده ورا الاكل
فاتسعت ابتسامة ليال وهي تقف بحماس
عيوني أحلى أكل لأحلى عمو قاسم في الدنيا
في القصر.....
اجتمع كافة الخدم في غرفة أيسل التي جاهدت لتقف على قدميها... ضغطت على دقات قلبها الهيستيرية في تلك اللحظات وبنت فوق تراب قلبها المهدوم ارضا قوة ثبات جديدة أخذتها من رحم تلك الصدمة....
لتهتف آمرة للعاملة
نادي لمصطفى والشباب يطلعوا البت دي برا وممنوع تدخل القصر ده تاني ابدا
اومأت الاخرى برأسها بطاعة
تحت امرك يا أيسل هانم
وبالفعل ركضت تنادي حراس القصر بينما أيسل تحمد الله أن فاطمة لم تكن متواجدة في ذلك الوقت وإلا لكانت اصيبت بجلطة ثلاثية الابعاد...!
فيما ازدادت هيستيرية مريم وهي تهز رأسها نافية وتقترب من أيسل مزمجرة پجنون
لأ مش بالسهولة دي يا أيسل اوعي تفكري إني هسيب حقي بالسهولة دي صدقيني هفضل كابوسك الواقعي لحد ما اخد حقي وساعتها بس مش هتعرفيلي اثر !!
فصړخت فيها
أيسل بعصبية وشراسة مماثلة
أطلعي برا يا مريضة براااا
وبالفعل وصل المدعو مصطفى مع باقي الرجال ليسحبون مريم عنوة وهي تصيح بهيستيرية
مش هسيب حقي يا أيسل وافتكري كلامي كويس
بينما بدر مغمضا عيناه پاختناق... يفكر
في مقاليد الخطوة القادمة والتي لم تعد بين يداه بل أصبحت
بين يدا أيسل....
قطته الشرسة التي لن تغفر بسهولة ابدا.....
..................................................
خرج الجميع من الغرفة بعدما عجت الضجة القصر وبالطبع ازداد الهمس واللمز بين جميع العاملين بالقصر ولكن أيسل لم تكن تملك عقل لتفكر فيما يظنون او يقولون.....
بل كانت هناك... مرمية أسفل أتربة الصدمة تحاول أخذ نفسا من بين
مخالب الحياه التي تسلبها شيء خلف الآخر.....!!
بمجرد أن تأكدت من ابتعاد الجميع عن الغرفة حتى اقتربت من بدر الذي كان واقف بصمت وملامح مكفهره مبهمة رغم الضيق والڠضب الذي يسطع منها.... ثم قالت بصوت هادئ كهدوء ما قبل العاصفة
أنت كنت متفق معاها على كده فعلا
للحظات تمنت أن ينفي... أن ېكذب حتى عليها فيعطها ولو نفسا مؤقتا ولكنه للاسف باح بتلك الحقيقة التي كرهتها وأجاب
أيوه يا أيسل بس مش زي ما إنتي فاهمة أنا هفهمك أنا.......آآ....
ولكن كما توقع لم يسلم من إنفجارها المحتوم وهي تقترب منه وتهدر فيه كلبوة شرسة
تفهمني إيه! تفهمني إنك كداب ومنافق.. تفهمني إنك طول الفترة اللي فاتت كنت عارف بحقيقة مشاعري ناحيتك وكنت بتمثل عليا تفهمني إنك كنت تابع للشيطان!
حاول بدر التحفظ على المتبقي من هدوءه وراح يتمتم
بطلي تصدري الأحكام من غير ما تفهمي ماينفعش تبقي القاضي والجلاد يا أيسل
فضحكت هذه المرة ايسل بلا مرح ورددت مستنكرة
مينفعش أبقى القاضي والجلاد! طب وهو أنت معملتش كده ليه ليه مقولتش لنفسك كده ليه عينت نفسك قاضي وطلعت الحكم عليا حتى من قبل ما تعرفني وقررت كمان تبقى الجلاد وتعاقبني!!
أغمض عيناه كازا على أسنانه وللأسف حقيقة كلامها تضربه في مقټل....
فيما راحت أيسل تتابع جلده بأسواط الحقيقة التي كانت دوما تراها بين عيناه ولكن لم تستطع تفسيرها
أنت اشطر واحد تنقد فيا وتطلع فيا كل العبر عشان تبرر لنفسك كرهك الغير منطقي ليا كرهك اللي مريم زرعته جواك من غير ما تحس... بقيت تقنع نفسك إن أيسل دي أنانية.. أيسل متكبرة.. أيسل قاسېة.. أيسل مغرورة.. أيسل مابتحسش ولا عندها رحمة حتى الصفات الفطرية فيا بقيت مقتنع إنها عيوب مع إنه مش بمزاجي
