روايه ميراث نور الفصل الخامس بقلم لينا بسيوني

فقال 
شاكله مش شايف السور.
حنوش قال 
انا مش هعرف اطلع دراعى واقولك اهو .. الجو ساقعه أوى بره بص ناحية الشمال كده
فبصيت ناحية الشمال وماشوفتش حاجة برضه
قالى وهو بيشاور برأسه 
أهو... أهو سور من التلج أمشى بس يا نينو قدام شوية
مشيت لقدام فى الأتجاه اللى قالى عليه كنت بمشى بسهولة فى التلج و مكنتش حاسس ببروده خالص لحد ما وقفت وانا بتلفت برضه ومش لاقى حاجة..

نصير قال 
هو فين يا حنوش انا برضه مش شايفه الدنيا ابيض فى ابيض حد شايفه يا جدعان !
كلهم هزوا رأسهم بالنفى
حنوش قال وهو بيطلع ايده 
اهو يا جدعان ...
ورجع ايده بسرعة وهو بيقول
أطلع بس قدام شويه هيبان أكتر
مشيت فى الاتجاه اللى شاور عليه و عينى بدأت تميز حدود سور ثلجى ضخم ...
قربت من السور فحنوش نده بصوت عالى على بن القاف .
محدش رد ...
فجأة لاقينا ذئب كبير بيقرب علينا فزئرت فى وشه بصوت عالى وشوطه بأيدى بعيد الذئب قرب تانى فزومت عليه 
فلاقيته بيتحول لابن القاف واللى كان لابس فرو سميك مغطى كل جسمه ...
قالى وهو وبينفض هدومه من التلج 
ايه يا نينو براحه يا عم انت غشيم كدا ليه . ..
نصير قاله 
لامؤخدة يابن القاف ..دخلنا بسرعة بڼموت 
قالنا تعالوا ورايا 
مشى حوالين السور لحد ما وصل لحته معينة فى السور وزق السور بأيده فاتفاجئنا بباب بيتفتح وبيسقط من عليه التلج ...
اول حاجة شوفناها لما دخلنا من السور قباب كتير مصنوعه من التلج كل قبة ليها فتحه صغيرة متغطية بجلد حيوانات ...
ابن القاف شاورنا على قبه كبيرة وقالنا 
تعالو ورايا عند القبانى ده
حنوش قاله 
استنا يابن القاف ..
وقالى 
نينو نزل الواد زيجا هنا ..
رميته من تحت دراعى على الارض ...
ابن القاف قال 
مين دا 
حنوش قاله 
دا أسير عايزينه عايش .. أحبسه فى حته أمان ...
بن القاف بص على زيجا اللى واقع على الارض وبيتكتك ونادى على أتنين تبعه فطلعوا من قبه من القباب فشاورلهم على زيجا وقالهم 
حطوه فى التلاجة !!
شالوه ومشيوا ناحية قبه شكلها مميز عن باقى القبب.
بن القاف مشى ناحية القبة الكبيرة فمشينا وراه ..
رفع الجلد اللى على مدخل القبانى فنزلت عيلتى من تحت دراعى دخلوا القبانى واتبقى نصير لمسنى علشان أرجع بنى آدم تانى ..
.
أول ما رجعت بنى ادم حسيت ببرودة رهيبة 
فقلت .....
وجريت دخلت جوه القبانى الجو جوه كان أدفى من بره كتير 
القبانى أرضيته مفروشه بفرو وجلود الحيوانات فى النص منقد ڼار مولع فى نص القبانى وفوقيه براد شاى ...
جرينا كلنا على الڼار وقعدنا ندفى ايدينا فيها
ابن القاف قالنا وهو خارج من القبانى 
ثوانى هروح اجيبلكم هدوم واجى بسرعة
نورا بصت بأستغراب على القبانى وهى بتدفى ايدها قدام الڼار وقالت 
هو أزاى مصنوع من التلج ومبيسحش من الڼار اللى جواه !!
حنوش قالها 
التلج بيتجمد تانى قبل ما يسيح من الڼار درجة الحرارة هنا تحت الصفر انتى عشان تغلى شوية ميه هتستنى 4 ساعات تحت ڼار شديدة وفى ايام الشتا الموضوع بيبقى صعب جدا الموضوع دا فكرنى برحلتى فى قارة انتاركتيكا هيييييح كانت ايام
قلت لحنوش باستغراب 
انتاركتيكا !!! القارة المهجورة.. ودى روحتها ليه وفى ايه هناك !
حنوش قال 
فيه ايه هناك !!!! فيها بلاوى وحاجات لو عرفتوها هتغير كل مفاهيكم عن الارض !! انا اللى مستغربله ان البشر عايشين على الارض ومبيسألوش المنطقة دى فيها ايه مع أن الارض كلها كوم و المكان دا كوم تان..
نصير قطع كلام حنوش وقال 
مش وقت كلام عن مغامراتك يا حنوش .. السؤال دلوقتى احنا هنحارب هنا ازاى !!! ده جو ميتحملوش لا جن ولا انس ده غير انى لاحظت ان مفيش أى جيش مع أبن القاف ولا حتى قلعة نتحامى فيها مفيش الا السور الثلجى وشويه القبب ...
قطع كلامه لما دخل بن القاف وفى ايده ملابس زى اللى لابسها مصنوعة من فرو الحيوانات وزعها علينا فلبسناها فوق هدومنا وبدأنا نحس بالدفي اكتر
ابن القاف قرب من براد الشاى وحط ايده فيه وقال 
لسه مغليتش قدامها ساعة كمان
قعد جنبنا وقال 
نورتونا يا جماعة بس ايه اللى جابكم كلكم كدا بربطة المعلم ...
رديت وقلتله 
حزر فزر ..
بن القاف قال 
حرب ميجوانا تانيه !!
قلتله 
الله ينور عليك .. نيللى طلع لها ابن ومش اى ابن دا ابوه يبقى مارد بير برهوت
ابن القاف قال 
اوباااا .. ولعت و باظت خالص انا معدنيش جيش كل اللى حيلتى 1000 جنى دول اللى عرفت اجمعهم لحد دلوقتى ...
قلتله 
طبعا مانت جاى تدور على جن فى آخر الأرض مالقتش الا القطب الشمالى تلجأ