روايه ميراث نور الفصل الخامس بقلم لينا بسيوني
أهدى يامارو هنقتله بس مش دلوقتى لما نعرف أبن الكل... عرف طريقنا ازاى !!
مارو رماه فنزل رزع على الارض وفضل يتأوه وهو بيقول
أنا جاى انقذكم..
نصير ضربه برجله وهو على الآرض وقاله
جاى تنقذنا !! هأأأأو ... أنت مفكرنا عبط يله ..أنطق عرفت مكانا أزاى !
زيجا قال
أيسر معاه عينة من دمك وعرف مكانكم وجاى هو وجوهر علشان يقتلكم والله انا سبقتهم علشان أحذركم !!
جوهر مين !!
قال
أبن نيللى قائدة الشياطين من مارد بئر برهوت.
كلنا سهمنا وبصينا لبعض بأندهاش..
نصير قال
يادينى حرب ميجوانا تاني!!!
مارو قطع كلامه وقال
حاسس بطاقة بتقرب على الكهف!!
و بص لزيجا واداله بوكس فى وشه فوقع على الأرض مغمى عليه.
قولتلهم
يبقى أكيد حضروا !!
مارو قال
حنوش أعترض طريقه وقاله
بطل تهور بقى .. لو خرجت ھتموت بيقولك ابوه مارد!!!
يعنى منعرفش قدراته ايه!! ممكن يبقى أقوى منك أحنا محتاجين نهدى ونفكر بس اولا لازم نهرب من هنا .
نصير قاله
نهرب نروح فين !!
حنوش قال
أكيد لابن القاف مدام فيها حرب ميجوانا!!
سألت حنوش
طب هو بن القاف فين دلوقت !
اخر مرة قابلته فيها قال انه هيروح يبنى القلعة تانى فى القطب الشمالى !
قلناله كلنا بأستغراب
القطب الشمالى !
نصير قال وهو بيلطم
الحړب الجاية فى الجليد !!!
حنوش قال
بن القاف قالى انه مش هينفع يبنى القلعة فى نفس المكان تانى خاصة انه معهوش جيش و شراذم الشياطين اللى فى الصحرا اكتر من الجن المتبقى معاه وهيهجموه فلجأ لمكان بعيد لحد ما يجمع جيوش جديدة وقالى على المكان بالضبط .
طب هتعرف تنقلنا كلنا للقطب الشمالى !!
حنوش قال
ما انت عارف اللى فيها يا نينو انا اخرى كيلو.. 2 كيلو بالكتير ..
فنصير قال
كدا هيحصلونا بسهولة.
مارو قال
بقولك ايه يا حنوش هات ايدك كدا لما اجرب حاجة.
حنوش قاله
حاجة ايه !! واشمعنا انا!
قاله
عشان انت الوحيد اللى تعرف المكان بالضبط..
حنوش مد دراعه فمارو قالنا
ضموا علينا واعملوا حوالينا دايرة وخليكوا لامسنا .
حنوش قاله
استنا..
وراح شد زيجا وډخله فى وسط الدايرة وحط رجله على صدره وقالنا
هناخده معانا نستجوبه.
مارو مسك ايد حنوش وفى ايده التانيه العصاية وقالنا
غمضوا عنيكم وانت يا حنوش فكر فى المكان بالضبط .. عايز افتح عينى الاقى ابن القاف فى وشى متوهناش فى الجليد.
انا مش مقلق من حنوش .. انا مقلق منك انت .. العصاية دى هتنقلنا !!
مارو قاله
معرفش ..
وبصلنا وابتسم وقال
ادينا بنجرب .
تمتم بكلمات وخبط العصاية فى الارض 3 خبطات بعدها اټصدمنا كلنا من اللى حصل .
يتبع
رواية ميراث نور الجزء الخامس
الحلقة السابعة بعنوان دب قطبي
تمتم بكلمات وخبط العصاية فى الارض ٣ خبطات بعدها اټصدمنا كلنا من اللى حصل .
مع الخبطة التالتة لاقينا نفسنا بنلف بسرعة رهيبة كأننا راكبين ملاهى
تبتنا فى ايد بعض واحنا بنصرخ و بنقول
يخربيتك يا مااااااااااارو .
السرعة بقت رهيبة لدرجة ان عينى مبقتش تدرك المشاهد حواليا جسمى بدأ يسخن وعينى زغللت...
اتفاجئا بأرضية الكهف بتختفى و سقطنا فى حفرة عميقه ومظلمه...
فضلنا نسقط واحنا بنصرخ ...زيجا فاق من الاغماء وأتفاجأ أنه بيسقط فى حفرة ولقانا بنصرخ فى وشه فصړخ بصوت عالى وهو بيترجانا نوقف ... كان مفكرنا بنعذبه
كنا لسه بنسقط فى الحفرة وبدأنا نحس ببرودة داخلة علينا ..
بصيت تحتى فشوفت قاع الحفرة و اللى كانت عبارة عن جليد أترزعنا بجسمنا على الجليد اللى فى قاع الحفرة ...
الجو كان برد جدا ....
.
أطرافنا بدأت تتجمد ومكناش قادرين نتحرك
نصير زحف على الجليد وهو بيتكتك لحد ما وصل ليا لمسنى بصباعه فلاقيتنى بتحول...
منخايرى طلعت لقدام وعينى دخلت لجوه طلعلى فرو أبيض كثيف غطى جسمى كله وأيدى ورجلى خرج منهم حوافر ...
أكتمل تحولى ونفضت التلج من فوق فروى وانا دب قطبى ضخم.!!!
نصير دخل فى حضنى وأتدفى فى فروى وقال وهو بيتكتك من البرد
تعالوا بسرعة فى حضڼ بابا نينو !!
قربت عليهم لما لقيتهم مش قادرين يتحركوا وبيتجمدوا من شدة البرودة خدتهم كلهم تحت دراعى الضخم ودفتهم فى فروى السميك
وقفت عند زيجا اللى كان بيتكتك وهو بيتجمد
حنوش قالى
هاتوا يا نور هنحتاجه ...
شديته تحت دراعى معاهم ...
سمعت سندس بتقول
... الجو ساقعة اوى انا مش حاسه بجسمى .
حنوش قال
أحمدى ربنا دا احنا كدا فى الصيف .. السور قدامك أهو يا نينو أجرى ناحيته.
بصيت يمينى وشمالى وشوفت الدنيا كلها ابيض فى ابيض وماشوفتش السور اللى بيقول عليه حنوش !!
معرفتش أقول لحنوش انى مش شايف حاجة ولا أوصل الرسالة لنصير
مارو حس
