روايه ميراث نور الفصل الخامس بقلم لينا بسيوني
بدأ يلف بجسم الافعى حوالين جسمه بسرعة عشان ېخنقه .
حنوش وبن القاف جريوا بسيوفهم عشان يهجموا على الافعى ويحرروا مارو .
عينى كانت على مارو بس كنت مشغول مع الشياطين اللى كنت بحاوطهم بڼار التنين عشان يندفعوا ناحية البحيرة ويغرقوا فيها .
مارو سلت ايده من الافعى ومسك فى رقبتها وفضل يخنق فيها فى نفس الوقت اللى حنوش وبن القاف كانوا بيشرحوا فى جسم الافعى ... جوهر اتفاجئنا بيه اختفى .
انتوا كسبتوا المعركة دى .. بس الحړب لسه مبدأتش يا عيلة ناير .
ميراث نور الجزء الخامس
الحلقة الثالثة عشر بعنوان طفل زوهرى
زيجا
أول ما عيلة نور بدأوا الھجوم جريت من المعسكر وقلت استناهم فى حته بعيد لحد ما يخلصوا على جيش الشياطين.
خرجت بره الديرة اللى محاوطين بيها المعسكر واندهشت لما لقيت جزء منها مردوم.
أتلفت لقيت أيسر فى وشى ...
حاولت ادارى صډمتى فحضنته وقلت
أيسر حمد لله على السلامة .. شفت ولاد ... عملوا ايه .. محاصرين جوهر والشياطين جوا ونازلين فيهم دق .. هو انت هنا من امتى
قالى وهو بيتفحصنى
من حوالى ساعة كده..... تقريبا أول ما بدأوا الھجوم
قلتله بأستغراب
قالى
ومين قالك أن انا متدخلتش!!! أنا رجعت السحر تانى المنطقة .
قلتله
طب مشغلتش الڼار وساعدت جيش جوهر حليفك ليه!
وابتسم وقال بمكر
أنت هتستعبط يا زيجا ما أنت عارف أنى مليش حلفاء.
قلتله باستغراب
انا مش فاهمك يا أيسر انت بتفكر فى ايه !
قالى
انا ملاحظ انك بتسأل اسئله كتير!
انت ازاى بتجرى والصحة رده فيك على عكس كل اللى فى المعسكر.
مسك وشى و كمل كلامه وقال
انا شايف ان الحصار جاب معاك نتيجة عكسية و طلعلك خدود !!
قلتلته
انت ناسي انى زيجا الزجاج.. الحمد لله لحقت حبه أكل من المحازن وهى بتتحرق وخبتهم فى القبانى.
سألنى بمكر
إيه اللى خلاك تستنا فى المعسكر مجتش معايا ليه !
عشان ليا تار هنا يا أيسر انت كنت عايزنى اسيب العيال دى تعلم عليا واسكت .. انت ترضى حد يعلم عليك .. دا انا تربيتك.
قالى
ما هو عشان أنت تربيتى انا مش مرتحلك!!
وسكت شويه وقال
انا اللى مستغربله ازاى جسمى اټصاب بسم منوم لذبابة عايشة فى افريقيا !!
حييت أن أيسر بيحاول يوقعنى فى الكلام فعملت نفسى عبيط وقلت باستغراب
قالى
ما انا هتجنن يا زيجا وھموت اعرف !!
قولتله وأنا بفكر
ممكن يكون سحرولك بتأثيرها مش لازم يعنى يكون سم ذبابة تس
قطعت كلامى لما عرفت انى هقع فى الكلام وعملت نفسى بعطس وقلت
هتسى . هتسى .. شكلى جالى دور برد ولا ايه الجو هنا برد أوى.
قالى
لا انا متأكد ان هو سم ذبابة تسى تسى اللى فى افريقيا.
قلتله
طب وبعدين يا أيسر !! هنقعد نرغى ونسيب جوهر وشياطينه بيموتوا جوه !! يلا يا أيسر عايزين نخلص على ولاد ... دول شغل الڼار تانى!!
قالى
لا قشطة انا بحب كدا ومالكش دعوة أنت .. تعالا ورايا يا زيجا.
مشيت وراه مسافة صغيرة لقيته دخل جوا تجويف ثلجى.
دخلت وراه و أتفاجأت بيه حاطط طبق كبير جواه مايه طافى فوقيها طبقة من الزيت
ركزت على طبقة الزيت لقيتها بتنقل صورة من المعركة فعرفت أن أيسر هنا من بدرى مش من ساعه زى ما بيقول وكان بيتفرج على اللى بيحصل لايف !!
طلع منديل من جيبه وحضره فى أيده لاحظت أن المنديل فيه بقع ډم
أيسر كان مركز فى الطبق و بيتفرج على اللى بيحصل بأهتمام شديد .
شوفنا جوهر وهو بيهجم على مارو ومارو بيصد هجومه وبيرميه على الجبل فجوهر ھجم عليه تانى وهو متشكل أفعى وقدر يلف حوالين مارو وحاول يخنقوه .
عيلة نور هجمت الافعى ولسه هيقطعوا رقبته أيسر ۏلع بسرعة فى المنديل اللى فى أيده وهو بيتمتم بتعزيمات غريبة!!
فأتفاجأت بالافعى جوهر أختفت من وسطهن واتنقلت فى التجويف عندنا وجنب الطبق
جوهر أتحول لشكله البشرى ووقع على الأرض وهو منهك.
جسمه كان متشرح وپينزف من ضربات سيوف بن القاف وحنوش .
أيسر قرب من الطبق و أتكلم فيه فصوته هز أرجاء المكان كله وهو بيقول
انتوا كسبتوا المعركة دى .. بس الحړب لسه مبدأتش يا عيلة ناير .
شوفتهم فى بقعة الزيت وهما بيتلفتوا يمين وشمال وبيدوروا على مصدر الصوت.
أيسر أدى الأمر للخدمة بتاعته أنهم ينقلونا للمعمل بتاعة بسرعة
أتنقلنا للمعمل بتاعه الخدمة بتاعت أيسر شالت جوهر وحطته على ترابيزة خشب .
أيسر راح جاب أبرة وخيط مراهم وتركيبات علاجية وبدأ يعالج جوهر.
بصيت على جوهر اللى مش
