روايه ميراث نور الفصل الخامس بقلم لينا بسيوني
حاسس بنفسه خالص وهمست لأيسر فى ودنه وقولتله
مش أنت عايز قلب هجين طيب ما جوهر قدامك أهو وجاهز ماتقتله وتاخد قلبه بدل ماتعالجه .
أيسر أبتسم وهو بيقول
ومين قالك أن هدفى قلب هجين !!
قالى وهو بيخيط فى چروح جوهر
أنا أهدافى كتيرة أوى يازيجا خلينا فى أهدافك أنت !
قولتله
أنا ماليش غير هدف واحد من الحړب دى هو أنى انتقم من عيلة نور بعد مانفخونى ضړب .
أيه مش مصدقنى !!
مردش عليا ومسك علبة مرهم فتحها وأخد منها شوية وبدأ يدهن الغرز من بره قالى وهو بيدهن الغرز
غريبة !!!
قولتله بفضول
هو أيه اللى غريبة!
قالى
أنت عمرك ماكان فيك صفة الأنتقام وده اللى خلانى أحتفظ بيك طول الفترة دى لأنك بالرغم من أنى عذبتك كتير ألا أنك ولا مرة فكرت ټنتقم منى هتنتقم من عيلة ناير علشان عذبوك يومين !!!
أنت غير أى حد يا أيسر أنت أبويا اللى ربانى أبوك لما يضربك غير لما ناس غريبة ومتعرفهاش تعلم عليك وكويس أنك خدت بالك أنى بالرغم من كل اللى عملته فيا إلا أنى ولا مرة فكرت أأذيك ده غير أنى فنيت حياتى كلها بفديك بروحى من أول التركيبات اللى كنت پتخاف تجربها على نفسك لحد ماخدت السهم فى كتفى واللى لسه معلم فيا أهوه .. حتى شوف ...
قفل علبة المرهم مسح صوباعه من بواقى المرهم فى قماشة وهو بيقول
بالرغم من أن أدائك مقنع أنما برضه قلبى مش مصدقك .
قولتله
علشان انت مش سالك يا أيسر واللى مش سالك بيشوف الناس كلها زيه .
مردش عليا وراح ناحية رأس جوهر فتح جفونه وبص على عينه وبعدها قرب بوقه من ودنه وتمتم بتعزيمات غريبة أول مرة أسمعها
قولت لآيسر وانا مندهش
أيه ده يا أيسر
قالى وهو مبتسم
تعزيمة من كتاب تحوت !!
قولتله
هو بيعا.....
قطعت كلامى لما أتفاجأت بجوهر أتنفض وشهق شهقة طويلة.
رجعت لورا من الخضة فلاقيت جوهر فاق وفضل يتلفت يمين وشمال علشان يدرك هو فين.
أهدى خالص ثوانى وهجيلك .
أيسر خرج بره أوضة المعمل وسابنى مع جوهر !!
جوهر كان بيبصلى فقولتله وانا ببلع ريقى
حمد الله على السلامة ياجوهر باشا ولاد ... خلصوا على الجيش بتاعك كله بس ماتقلقش أيسر أبن حرام وأكيد ه....
قطعت كلامى لما لاقيت أيسر رجع الاوضة وفى أيده صينية أكل من كل الأصناف كباب وكفته وفراخ وكنزات بيبسى وأكياس شيبسى ...
قولت لأيسر وأنا ببص على الأكل
طب وأنا !!
أيسر قالى
ماتنزل تاكل معاه هو حد منعك !!
قربت من جوهر ولسه همد أيدى فى صينية الأكل لاقيته بيزوم عليا زى الحيوانات .
فرجعت لورا بسرعة وقلتله
طب حتى كيس شيبسى !
مردش عليا وفضل يدب فى الاكل.
بصيت على أيسر لقيته طلع بره الاوضه وغاب شوية رجع فى أيده كتاب مصنوع من الذهب ومنقوش عليه رموز هيروغليفية .
قرب على جوهر اللى خلص صينية الآكل كلها وطلع صوت غريب من معدته أيسر أدى لجوهر الكتاب وقاله
أيسر مابيرجعش فى كلمته !! اتفضل.. كتاب تحوت
جوهر مسك الكتاب وفتحه وفضل يقلب فى صفحاته وقال
أولا بشكرك أنك أنقذتنى و ....
قطع كلامه لما أتفاجأ أن الكتاب مقسوم نصين نص صفحاته مفتوحة والنص التانى صفحاته مقفولة ومش راضية تتفتح بص لآيسر بأستغراب وقال
النص التانى مبيتفتحش ليه
أيسر قاله
قصدك على التعزيمات الخاصة بتحريك المۏتى ... لا دى محتاجة مفتاح زى ما أنت شايف .
وشاور لجوهر على تجويف فى نص الكتاب كان عبارة عن دايرة جواها عين حورس.
جوهر قال بخيبة أمل
يعنى الكتاب مالوش لازمة!! وكتاب العزيف اللى معايا ليه لازمة عنه .
أيسر قاله
مين قال كده انا أعرف المقپرة اللى فيها المفتاح أصلى بحاول فى الموضوع من بدرى جدا ومش بس كده انا تواصلت مع الجن الحارس للمقپرة وعرفت طلبه علشان يسمحلنا ندخل المقپرة وناخد المفتاح.
جوهر قاله فى فضول
أيه طلبه !!
أيسر قاله
طفل زوهرى من الدرجة الاولى !!
جوهر قاله بأستغراب
طفل زوهرى!!
أيسر قاله
الطفل الزوهرى نوعية مميزه من البشر بيبقى عندهم علامات خاصه بتميزهم عن باقى الناس زى اللسان اللى بيكون مفلوق من النص و خط بالعرض فى نص كف الايدوبريق مميز فى العين وعلامات تانيه مخفيه احنا كسحرة بنعرفها الاطفال دول درجات.
فيه اللى بيكون متوفر فيهم كل
