روايه ميراث نور الجزء السادس بقلم لينا بسيوني

واستنونى اديهم الامر بالھجوم .
فضلنا مستنين أعدائنا يظهروا لحد ما فجأة حسينا بحركة غريبة فى وسط الجيش نفسه .
بصيت فى مكان الحركة لقيتهم حضروا وسط الجيش نفسه و اختفوا تانى بسرعة وظهروا بعيد عن الجيش .
كنت شايفهم كويس بنظرى الحاد قلت لجوهر 
اتنين بس اللى حضروا ماهر و واحد شبه نور بس سنه اكبر!
ايسر قالى 

مدام الباقى مش موجود يبقى كدا اكيد فى خدعة ..
قلتله 
نبدا هجوم على طول !!!
قالى 
اصبر..

ناير 
ماهر مسح دموعه وقال 
لازم أجيب عيد الآول .
وخبط العصايا مرة وأتنين ولسه هيخبط التالته مسكت أيده ومنعته وقولتله 
أنت رايح فين !!
قالى 
هروح أجيب چثة عيد ياجدى مش هسيبه !!
حنوش قاله وهو بيتأسف 
أنا أسف ياماهر .. بس عددكم كان كبير فخفت اخاطر واشيله معانا .
قلت لماهر 
اصبر هنجيبه بس مش دلوقتى .. كدا كدا ايسر مش هيرجع الحفرة دى تانى لان المكان بقى مكشوف لينا .
بصيت على عصاية ماهر وكملت كلامى وقولت 
و مينفعش تفضل رايح جاى بالعصايا اللى فى أيدك دى كتير .. اللى فى أيدك دا سلاح خطېر وهيجذب حواليكم أعداء كتير كأنك ماشى ببندقية وسط الناس فى الشارع .
أول حاجة العصاية دى ماتظهرش الا للضرورة القصوى فقط بالضبط زى السيف اللى معايا ولمعلوماتك العصاية اللى فى أيدك قادرة تنهى الحړب لصالحك بس الحروب مش بالقوة أد ماهى بالدهاء والحيلة .
الحړب خدعة مش قتال وقبل ماتبدأ حرب لازم تعرف ايه دوافع عدوك للحرب .
السؤال ليكم أنتوا أيه دوافع أيسر للحرب مش هقول جوهر لأن دوافعه ظاهره وهى الاڼتقام .
أنما أيه اللى يخلى أيسر يدخل الحړب 
زيجا حاول يقول حاجة بس صوته مطلعش قربت عليه وقولتله 
ثوانى هجرب حاجة واتمنى أنها تجيب نتيجة معاك طلع لسانك .
زيجا طلع لسانه واللى كان لونه أسود فاحم سحبت سيفى وحضرته فزيجا رجع لورا وهو خاېف.
قولتله وأنا بطمنه
ماتقلقش طلع لسانك مش هقطعه اكيد .
خرج لسانه فلمست طرف لسانه بسيفى وانا بتمتم بتعزيمات .
لسانه لونه أتحول للون الاحمر فقولتله
حاول تتكلم كده !!
حاول بس فشل برضه .
حطيت سيفى تانى على لسانه وانا بقوله 
كده مش هيبقى قدامى غير أنى أخليه يتكلم بلسانك لآن لسانك مش هينقل الكلام من حنجرتك ....
وفاجأته وقطعت لسانه بالسيف !!
صړخ وهو ماسك بوقه وبيبص على نص لسانه اللى على الارض كل اللى فى الآوضة ودوا وشهم الناحية التانية ومستحملوش المنظر .
حاولت أهدى زيجا وانا بقوله
معلش أنا عارف أنه شعور مؤلم بس ده لمصلحتك و الا هتفضل طول عمرك مابتتكلمش ..
قطعت كلامى لما بدأ ينمو مكان لسانه المقطوع لسان تانى طويل و طرفه مشقوق من النص زى الافعى .
اللسان أتحرك ونطق بكلمات من لغة الجن فى الآول وبعدها نطق بلغتنا وقال 
عين العقل اللى عملته يا ناير ... اعرفكم بنفسى انا اجيز قرين زيجا والمتحدث الرسمى بلسانه حاليا تقدروا تعتبرونا واحد.
وضحك بصوت عالى مع أن ملامحه حزينة .
قولتله 
تشرفنا يا أجيز !!
قال 
زيجا بيقول أن أيسر أهدافه كتيرة بس أهمها قلب ماهر علشان يحول نفسه لهجين قوى ده غير مخطوطة العزيف اللى مع جوهر !!
قولتله 
أيه ده !! هما سرقوا كتاب العزيف من الكهف كمام !! كمل كمل !!
حكى على التجارب اللى بيعملها أيسر وعن هوسه وجنونه بالقوة وحكى أزاى بيولع الحروب من غير يدخلها هوه .
سمعته بأنصات وبدأت أرسم صورة فى عقلى عن شخصية أيسر من كلام أجيز قرين زيجا .
بصيت لماهر وقولتله 
انت بس اللى هتيجى معايا الحړب وهتسمع اللى هقولهولك وتنفذه بالحرف الواحد .
و بصيت للباقيين وقولتلهم
أنتوا هتستنوا هنا منها تحموا اللى لسه مافاقوش ومنها تراقبونا فى طبقة الزيت علشان لو حصل حاجة تدخلوا بسرعة وعشان برضه يحسوا ان فى خدعة لما ميلقوناش كلنا فى ارض المعركة ساعتها اكيد هيرتبكوا .
هزوا رأسهم بالتفهم .
بصيت لماهر وقولتله 
أتفضل أنقلنا بالعصاية للحزام الصامت !!
خبط العصايا 3 خبطات بعدها أتنقلنا الحزام الصامت .
أول ماوصلنا هناك أتفاجئنا بأننا وسط جيش المۏتى لسه هيهاجمونا ماهر نقلنا بسرعة بعيد عنهم بس فى نفس المنطقة .
قلت لماهر 
مستعجل أوى على الحړب بتنقلنا فى وسط جيشهم !!
ماهر قالى 
لامؤخذة يا جدى مكنتش اقصد .. موضوع النقل دا لسه جديد عليا .
قلتله 
طب ركز معايا بقى .. نورا حكيتلى عن قدراتك وانك قدرت تهزم جيش كامل لوحدك ..
بصلى بفخر وقالى 
هبهرك يا جدى ..
قلتله بحزم 
لا انا عايزك تنسى الكلام دا خالص انا عايزك بطيخة فى الحړب.. مبتقضيش مصلحة.. لو تعرف تخليهم يلطشوا فيك من غير ما ټموت اعملها .
بصلى باستغراب فقلتله 
بقولك ايه عند