روايه ميراث نور الجزء السادس بقلم لينا بسيوني
باب الاوضة ...
وصلنا كلنا الشقة ماهر كان مڼهار وبيبكى....
نورا لفت نظرها زيجا وقالت
زيجا !!! أيه اللى حصل !
أبن القاف جاوب عليها وقالها
أيسر ال.... دمجه مع قرينه ...
وشاور على اللى مغمى عليهم فى الشقة وقال
أيه اللى حصل لباقى العيلة
نورا حكتله على اللى حصل بلهوجة وهى بتبص على زيجا بأندهاش
فى الوقت دا أنا كنت مركز على الصورة اللى فى الطبق وأندهشت من اللى شوفته .
جيش من جنود المۏتى بيحاصروا الحفرة اللى كنا فيها !!!
الجيش عبارة عن مومياوات متحنطة ومحتفظة بجلودها فوق عظامها كأنهم مدفونين من أيام قليلة ...
منهم اللى كان واقف على رجليه ومنهم اللى راكب فوق عجلات حربية بتجرها خيول عيونها حمرا وجزء من عظامها باين من تحت جلودها المېتة والمهلهلة !!!
كان بيقودهم حامل الكتاب الهجين جوهر اللى كان بيتمتم بكلمات من الكتاب علشان يزود عددهم .
شوفت الساحر وهو بيخرج من الحفرة وعلى وشه علامات الڠضب عشان ماحصلناش وهربنا منه ...
الساحر شاور للهجين جوهر أنه يوقف قراءة فى الكتاب!!
جوهر وقف قراءة فالساحر قرب عليه وفضلوا يتكلموا مع بعض ...
فهمت بعض الكلمات اللى بيقولها الساحر لجوهر
كان بيقول
هربوا ... حد ياخد باله من المۏتى ...
جوهر هز راسه فى تفهم
وقرأ فى الكتاب فحسيت أن جيش المۏتى أرواحهم بتتسحب وبتدخل فى الكتاب لحد ما أختفوا كلهم ...
فاجأت الكل وتمتمت بتعزيمات بعد ها أتكلمت فى الطبق وقولت
أنا ناير نمير وبتحداك لحرب فى اى ارض مهجورة تختارها .. الحړب فى العمار مش فى صالحى ولا صالحك .
الساحر والهجين أتلفتوا حواليهم وبصوا لبعض بأندهاش
الساحر فضل يتلفت يمين وشمال بعدها بص فى السما فبان كأنه بيبصلنا من الطبق قال بمكر وهو بيبتسم
وبعدها اختفى بسرعة هو وجوهر..
حنوش قال باستغراب
الحزام الصامت !!! يبن ال...
نورا قالت
ايه حزام الصمت دا يا حنوش !!
حنوش قال
دى منطقة فى صحراء مابيمى
منطقة غامضة ومحدش يعرف سرها بمجرد دخولك المنطقة أجهزة الاتصال اللى معاك بتقف حتى البوصلة
الحيوانات والطيور اللى بتدخل المنطقة بيفقدوا صوابهم وبيموتوا بدون سبب واضح حتى البشر اللى بيدخلوا المنطقة بغرض أسكتشافها بيصابوا باعياء و هلاوس شديدة.
قلت بصوت مسموع
عايزنى اروح من غير غرابى اللى علم عليه واكيد ارض مش صالحة للاحياء هتكون بيئه كويسة يحارب فيها بالامۏات ..
أحنا أصلا معناش جيش نحارب بيه حتى عيد اللى كان هيسندنا بالقرناء اللى معاه الله يرحمه
أمنت على سيف وقولتلهم
ماتقلقوش....
رواية ميراث نور الجزء السادس
الحلقة الخامسة بعنوان لسان اسود
جوهر
ايسر خرج من الحفرة وشاورلى بايده عشان اوقف قرايه من الكتاب وقفت قراية فقرب عليا وقالى وهو ڠضبان
ولاد ال... هربوا لم الليلة وكفاية كدا مش عايزين حد ياخد باله من المۏتى .
قلتله
انا لسه محضرتش الجيش كله كل اللى قدرت احضره تقريبا 40 او 50 الف جندى .
قالى
بقولك وقف.. هتحضرهم فين !! الاقصر كلها هتاخد بالها وهتبقى حرب بينك وبين العالم كله احنا مبنحربش وسط البشر او فى العمار .
هزيت رأسى بالتفهم وسحبت ارواح المۏتى اللى حضرتهم فى الكتاب .
يدوبك خلصت وسمعت صوت بيرج المكان وبيقول
أنا ناير نمير وبتحداك لحرب فى اى ارض مهجورة تختارها .. الحړب فى العمار مش فى صالحى ولا صالحك .
التفتنا و احنا بندور على مصدر الصوت .
ايسر بص على حته معينه فى السما وقال وهو مبتسم
الحزام الصامت ..
بعدها خدمة ايسر نقلتنا مكان فى الصحرا ..
مكان هادى جدا مفهوش صوت اى حيوان او طائر او حتى حشرة ....صمت تام !!
قلت لايسر باستغراب
هو مش ناير دا جدهم وماټ من سنين .. ازاى رجع تانى !!
ايسر قالى وهو شارد الذهن وبيفكر
معرفش ازاى .. ممكن يكون خدعة منهم وعايزين يرهبونا بسيرة ناير!! .. او ممكن يكون معاهم سلاح محدش يعرف عنه حاجة!! .. العيلة دى مليانه مفاجأت ومن اغرب الاعداء اللى قابلتهم فى حياتى .
قلتله
افهم من كدا انك مش هتقدر عليهم لو معاهم ناير !!
قالى
ولو معاهم مين .. ايسر مبيغلبش .. يلا حضر المۏتى .. عايزهم يجوا يلاقونا جاهزين .
قلتله
طب ايه هحضرهم كدا من غير خطة !!
قالى
عندك خطة يعنى يا جوهر !!
قلتله
لا ..
قالى
خلاص حضر الجيش بسرعة قبل ما نلاقيهم فى وشنا .
وشاورلى على جبل وقالى
خلى الجبل دا فى ظهرنا وحضر الجيش .
فتحت الكتاب وبدئت اقرا واخرج ارواح جيش المۏتى.
جيش المۏتى خرج من تحت الرمال بدروعهم ورماحهم واصطافوا فى صفوف منظمة
